Helicopter Crash : इंडोनेशियात एक हेलिकॉप्टर कोसळून झालेल्या दुर्घटनेत किमान ८ जण ठार झाले आहेत. बोर्नियो बेटावरील पाम तेलाच्या मळ्यांदरम्यान उडणारे हे हेलिकॉप्टर कोसळल्याचे इंडोनेशियन अधिकाऱ्यांनी शुक्रवारी सांगितले. (Helicopter Crash) पीटी मॅथ्यू एअर नुसंताराच्या मालकीच्या एअरबस एच१३० या हेलिकॉप्टरचा गुरुवारी पश्चिम कालीमंतन प्रांतातील मेलावी जिल्ह्यातून उड्डाण केल्यानंतर पाच मिनिटांनी संपर्क तुटला. ते कुबू राया जिल्ह्यातील दुसऱ्या पाम तेलाच्या मळ्याकडे जात होते. शोध पथकाने नंतर सेकाडाऊ जिल्ह्यातील घनदाट जंगलातून हेलिकॉप्टरचे अवशेष शोधून काढले आणि दोन कर्मचारी व सहा प्रवाशांचे मृतदेह बाहेर काढले, असे राष्ट्रीय शोध आणि बचाव संस्था आणि परिवहन मंत्रालयाने म्हटले आहे. ठार झालेल्यांपैकी एक मलेशियाचा नागरिक होता. (Helicopter Crash)