Stock Market : कच्च्या तेलाच्या वाढलेल्या दरांचा दबाव आणि मोठ्या बँकांच्या शेअर्समध्ये झालेली विक्री यामुळे भारतीय शेअर बाजारात मंगळवारी दिवसभर मोठे चढ-उतार पाहायला मिळाले. अमेरिकेच्या फेडरल रिझर्व्हच्या व्याजदराच्या निर्णयापूर्वी गुंतवणूकदार सावध राहिले.

30 कंपन्यांचा सेन्सेक्स 8.08 अंकांनी घसरून 73,598.67 अंकांवर बंद झाला. दिवसभरात तो 73,762.98 अंकांपर्यंत वर गेला, तर 73,179.41 अंकांपर्यंत खाली आला. निफ्टी 3.45 अंकांनी घसरून 22,749.75 अंकांवर स्थिरावला.

एसबीआय, ॲक्सिस बँक, टीसीएस, एशियन पेंट्स, एचडीएफसी बँक आणि आयसीआयसीआय बँक यांच्या शेअर्समध्ये घसरण झाली. भारती एअरटेल, ट्रेंट, मारुती आणि पॉवर ग्रिडचे शेअर्स वधारले.

ब्रेंट कच्च्या तेलाचा दर 0.03 टक्क्यांनी घसरून 115.8 डॉलर प्रति बॅरल झाला. सोमवारी परदेशी संस्थात्मक गुंतवणूकदारांनी भारतीय शेअर बाजारातून 1,462.49 कोटी रुपयांची विक्री केली.