India US LPG Deal। अमेरिकेने वाढत्या शुल्कामुळे भारत आणि अमेरिकेतील व्यापारी संबंधांमधील तणाव आता हळूहळू कमी होताना दिसत आहे. अमेरिकेसोबत व्यापार करार होण्याची अपेक्षा असताना, भारताने पहिल्यांदाच अमेरिकेसोबत दीर्घकालीन एलपीजी आयात करारावर स्वाक्षरी केली आहे. अशा करारामुळे देशाची ऊर्जा सुरक्षा मजबूत होईल आणि जागतिक अनिश्चिततेमध्ये पुरवठा स्रोतांमध्ये विविधता आणण्याची संधी मिळेल” असे सरकारकडून सांगण्यात आले आहे. अमेरिका-भारताचा मोठा करार India US LPG Deal। केंद्रीय पेट्रोलियम आणि नैसर्गिक वायू मंत्री हरदीप सिंग पुरी यांनी आज या कराराचे वर्णन ऐतिहासिक करार म्हणून केले आणि म्हटले की, जगातील सर्वात वेगाने वाढणारी एलपीजी बाजारपेठ असलेल्या भारताने औपचारिकपणे अमेरिकेसाठी आपली बाजारपेठ उघडली आहे. त्यांनी सांगितले की देशातील लोकांना परवडणारे एलपीजी प्रदान करणे आणि ऊर्जा सुरक्षा मजबूत करणे ही सरकारची प्राथमिकता आहे. यासाठी पुरवठा स्रोतांचे विविधीकरण अंमलात आणले जात आहे आणि हा करार त्या दिशेने एक मोठे पाऊल आहे. दरवर्षी २.२ दशलक्ष टन एलपीजी गॅस आयात करण्याचा करार India US LPG Deal। पुरी यांनी पुढे म्हटले बोलताना, “सरकारी तेल कंपन्यांनी २०२६ पासून दरवर्षी अंदाजे २.२ दशलक्ष टन एलपीजी गॅस आयात करण्याचा करार केला आहे. हे भारताच्या एकूण एलपीजी आयातीच्या अंदाजे १० टक्के आहे, जे देशाच्या ऊर्जा सुरक्षेच्या दिशेने एक महत्त्वाचे पाऊल आहे.”असे म्हटले. भारत हा जगातील दुसऱ्या क्रमांकाचा एलपीजी ग्राहक आहे आणि देशांतर्गत मागणीत सतत वाढ होत असताना, उज्ज्वला योजनेद्वारे (उज्ज्वला योजना) पुरवठा वाढवला गेला आहे, जो कमी उत्पन्न असलेल्या कुटुंबांना अनुदानित एलपीजी कनेक्शन प्रदान करतो. सध्या, भारत त्याच्या एकूण एलपीजी गरजांपैकी सुमारे ५० टक्के आयात करतो, ज्याचा बहुतांश भाग पश्चिम आशियाई बाजारपेठेतून येतो.
