Economy Review 2024: 1 फेब्रुवारीला अंतरिम अर्थसंकल्पापूर्वी केंद्रीय अर्थ मंत्रालयाने देशाच्या अर्थव्यवस्थेचा अहवाल प्रसिद्ध केला आहे. या अहवालानुसार 2030 पर्यंत देशाची अर्थव्यवस्था 7 ट्रिलियन डॉलर्सची होऊ शकते. अहवालानुसार, भारताची अर्थव्यवस्था पुढील तीन वर्षांत 5 ट्रिलियन डॉलर्सचा स्तर ओलांडू शकते. यासह, ही जगातील तिसरी सर्वात मोठी अर्थव्यवस्था बनण्याची अपेक्षा आहे. तथापि, सरकारने 2047 पर्यंत भारत ‘विकसित देश’ बनण्याचे लक्ष्य ठेवले आहे.

दरवर्षी सामान्य अर्थसंकल्पापूर्वी आर्थिक सर्वेक्षण सादर केले जाते, परंतु यावेळी अर्थ मंत्रालयाने पुनरावलोकन म्हणून ‘द इंडियन इकॉनॉमी: अ रिव्ह्यू’ नावाचा अहवाल प्रसिद्ध केला आहे. लोकसभा निवडणुकीमुळे अर्थमंत्री निर्मला सीतारामन 1 फेब्रुवारीला अंतरिम अर्थसंकल्प सादर करणार आहेत. निवडणूक निकालानंतर नवे सरकार सर्वसाधारण अर्थसंकल्प सादर करणार आहे. आर्थिक सर्वेक्षण सर्वसाधारण अर्थसंकल्पापूर्वी सादर केले जाईल.

वित्त मंत्रालयातील मुख्य आर्थिक सल्लागार (CEA) व्ही. अनंत नागेश्वरन म्हणाले, हा अहवाल आर्थिक सर्वेक्षणाची जागा घेत नाही. ते म्हणाले, “सार्वत्रिक निवडणुकीनंतर पूर्ण अर्थसंकल्पापूर्वी तो येईल” मोदी सरकार तिसऱ्यांदा सत्तेवर आल्यानंतर आर्थिक सुधारणांमध्ये सातत्य असल्याचे अहवालात सूचित केले आहे. मोदी सरकारच्या दोन टर्मचा लेखाजोखा देताना, हा 10 वर्षांचा प्रवास उत्तम भविष्य दर्शवतो, असे सांगितले.

दरम्यान, भारत आता 3.7 ट्रिलियन डाॅलर (अंदाजे FY24) सह पाचवी सर्वात मोठी अर्थव्यवस्था आहे. आर्थिक वर्ष 2025 मध्ये नाममात्र GDP 7% च्या जवळपास राहण्याची शक्यता आहे. 5 जानेवारी रोजी सरकारने आर्थिक वर्ष 2024 मध्ये GDP 7.3% राहण्याचा अंदाज वर्तवला होता. 2030 पर्यंत विकास दर 7 टक्क्यांहून अधिक होण्यास भरपूर वाव आहे, अहवालात म्हंटले आहे.