India Pakistan Loc ।  पहलगाम दहशतवादी हल्ल्यानंतर भारत आणि पाकिस्तानमधील परिस्थिती तणावपूर्ण झाली आहे. त्यातच पाकिस्तान आपल्या कुरापती काही केल्या थांबवत नाही. सोमवार आणि मंगळवारी रात्री पाकिस्तानने पाचव्यांदा शस्त्रसंधीचे उल्लंघन केले. भारतीय लष्करानेही पाकिस्तानला चोख प्रत्युत्तर दिले आहे. कुपवाडा आणि बारामुल्लासह अनेक ठिकाणी पाकिस्तानने गोळीबार केला आहे.

पाकिस्तानकडून सतत शस्त्रसंधीचे उल्लंघन केले जात आहे. सोमवार आणि मंगळवारी रात्री बारामुल्ला आणि कुपवाडा तसेच अखनूरमधील चौक्यांवरही त्यांनी गोळीबार केला. पाकिस्तानी सैन्याकडून हलका गोळीबार झाला. भारतीय लष्करानेही चोख प्रत्युत्तर दिले आहे. पाकिस्तानने यापूर्वी तुतमारी गली आणि रामपूर सेक्टरमध्ये गोळीबार केला होता.

भारतीय सैन्याची दहशतवाद्यांवर कारवाई सुरू  India Pakistan Loc । 

पहलगाम दहशतवादी हल्ल्यानंतर भारतीय सुरक्षा दलांनी दहशतवाद्यांवर कडक कारवाई केली आहे. जम्मू आणि काश्मीरमध्ये अनेक स्थानिक दहशतवाद्यांची घरे उडवून देण्यात आली आहेत. लष्कराने अनेक भागात शोध मोहीमही राबवली आहे. बैसरन खोऱ्याला लागून असलेल्या कोकेरनाग जंगलाला सैन्याने वेढा घातला आहे. पहलगाम दहशतवादी हल्ल्यानंतर येथे दहशतवाद्यांचा एक गट दिसला. सैन्य त्याचा शोध घेत आहे.

पाकिस्तानला भारताची भीती  India Pakistan Loc । 

पहलगाम दहशतवादी हल्ल्यानंतर पाकिस्तान भारताला घाबरला आहे. पाकिस्तानने तुर्कीसह अनेक देशांशी फोन कॉलद्वारे चर्चा केली आहे. पाकिस्तानने तुर्कीकडूनही मदत मागितली आहे. वृत्तानुसार, तुर्कीहून एक गुप्त विमान पाकिस्तानात पोहोचले आहे. याद्वारे पाकिस्तानने दारूगोळा मागवला आहे. जगात पाकिस्तानच्या दहशतवादाला पाठिंबा देणारे मोजकेच देश उरले आहेत. त्यापैकी तुर्कीये आहे, जे संयुक्त राष्ट्रांसह आंतरराष्ट्रीय व्यासपीठांवर काश्मीर वादाचा मुद्दा उपस्थित करत राहते.

हेही वाचा
कॅनडाची सत्ता कोणाकडे जाणार ? ; आज निवडणुकीचा निकाल येणार समोर, सर्वेक्षणात ‘हा’ पक्ष आघाडीवर