India On Pakistan। पाकिस्तानचे संरक्षण मंत्री ख्वाजा आसिफ यांनी तालिबान भारताच्या वतीने पाकिस्तानविरुद्ध छुपे युद्ध सुरू करत असल्याच्या विधानावर भारताने तीव्र प्रतिक्रिया व्यक्त केली आहे. परराष्ट्र मंत्रालयाचे प्रवक्ते रणधीर जयस्वाल यांनी त्यांच्या साप्ताहिक पत्रकार परिषदेत पाकिस्तानचे आरोप पूर्णपणे फेटाळून लावत त्यांना हास्यास्पद आणि निराधार म्हटले. जयस्वाल यांनी यावेळी, “पाकिस्तानला आपल्या अंतर्गत अपयशासाठी इतरांना दोष देण्याची सवय आहे. दहशतवादाला आश्रय देणे आणि त्याचा राजकीय शस्त्र म्हणून वापर करणे हे पाकिस्तानचे धोरण राहिले आहे.”असे म्हणत पार्कवर सडकून टीका केली आहे.

रणधीर जयस्वाल यांनी यावेळी पाकिस्तानवर टीका करताना,”भारत अफगाणिस्तानच्या सार्वभौमत्व, प्रादेशिक अखंडता आणि स्वातंत्र्याच्या समर्थनात ठामपणे उभा आहे. त्यांनी स्पष्ट केले की भारत अफगाणिस्तान आणि पाकिस्तानमधील सुरू असलेल्या संघर्षावर बारकाईने लक्ष ठेवून आहे,”असे म्हटले. तसेच  “आम्ही परिस्थितीवर लक्ष ठेवून आहोत. अफगाणिस्तानला त्याच्या प्रदेशांवर सार्वभौमत्वाचा अधिकार आहे. पाकिस्तानने हे समजून घेतले पाहिजे की प्रत्येक समस्या इतरांना दोष देऊन सोडवता येत नाही.” असेही त्यांनी यावेळी सांगितले. भारताचे हे विधान अशा वेळी आले आहे जेव्हा पाकिस्तान आणि अफगाणिस्तानमध्ये ४८ तासांचा युद्धबंदी लागू आहे. सीमावर्ती भागात झालेल्या भीषण संघर्ष आणि डझनभर सैनिक आणि नागरिकांच्या मृत्युमुखी पडलेल्या पाकिस्तानी हवाई हल्ल्यांनंतर ही युद्धबंदी आली.

पाकिस्तान दहशतवादाचे आश्रयस्थान  India On Pakistan।

परराष्ट्र मंत्रालयाने एका निवेदनात दहशतवादाला प्रोत्साहन देण्याचा आरोप पुन्हा एकदा केला. त्यात म्हटले आहे की, पाकिस्तान गेल्या अनेक वर्षांपासून दहशतवादी संघटनांना आश्रय देत आहे. त्यात म्हटले आहे की, भारत आणि शेजारील देशांवर त्यांच्या भूमीतून वारंवार हल्ले केले जात आहेत. आता ते स्वतः दहशतवादाच्या संकटाने ग्रस्त असल्याने, ते इतरांवर दोषारोप ढकलत आहे, ही एक दीर्घकालीन रणनीती आहे.

भारताने असेही म्हटले आहे की,”अफगाणिस्तानच्या अंतर्गत बाबींमध्ये पाकिस्तानचा हस्तक्षेप आणि तेथे हवाई हल्ले करणे त्यांच्या हितासाठी हानिकारक आहे. हे हल्ले प्रादेशिक शांततेला धोका निर्माण करतात”. परराष्ट्र मंत्रालयाच्या प्रवक्त्यांनी सांगितले की.”भारत या प्रदेशात स्थिरता आणि सहकार्यासाठी वचनबद्ध आहे आणि कोणत्याही प्रकारच्या हिंसाचाराला विरोध करतो”

पाकिस्तानचे आरोप आणि भारताची प्रतिक्रिया

पाकिस्तानचे संरक्षण मंत्री ख्वाजा आसिफ यांनी एका वृत्तवाहिनीला दिलेल्या मुलाखतीत म्हटले की,”अफगाण तालिबान आता भारताच्या वतीने पाकिस्तानविरुद्ध प्रॉक्सी म्हणून लढत आहे. “त्यांचे निर्णय दिल्लीच्या इशाऱ्यावर घेतले जात आहेत.” त्यांनी असेही म्हटले की त्यांना ४८ तासांच्या युद्धबंदीच्या टिकावूपणाबद्दल शंका आहे, कारण काबुल आता दिल्लीचा प्रॉक्सी बनला आहे. भारताने या विधानाला राजनैतिकदृष्ट्या बेजबाबदार म्हटले आहे आणि म्हटले आहे की पाकिस्तानने खोटे बोलण्यापेक्षा प्रथम त्यांच्या भूमीवर कार्यरत असलेल्या दहशतवादी संघटनांवर कारवाई करावी.

भारत-अफगाण संबंधांमध्ये नवीन उत्साह India On Pakistan।

अलिकडच्या काही महिन्यांत भारत आणि अफगाणिस्तानमधील संबंध हळूहळू सामान्य होत आहेत. भारताने अद्याप तालिबान राजवटीला औपचारिक मान्यता दिलेली नसली तरी, मानवतावादी मदत आणि विकास प्रकल्पांद्वारे संबंध पुन्हा स्थापित करण्यास सुरुवात केली आहे. रणधीर जयस्वाल म्हणाले की, काबूलमधील भारताचे तांत्रिक मिशन आता दूतावासात हस्तांतरित केले जात आहे आणि ही प्रक्रिया पुढील काही दिवसांत पूर्ण होईल. त्यांनी असेही म्हटले आहे की भारत मानवतावादी मदत, शिक्षण आणि आरोग्य या क्षेत्रात अफगाणिस्तानातील लोकांना सहकार्य करत राहील.