India-Fiji Relations। अमेरिकेने भारतीय वस्तूंवर ५० टक्के कर लादल्यानंतर फिजीचे पंतप्रधान सिटेनी लिगामामादा राबुका यांनी पंतप्रधान मोदींशी संवाद साधला. त्यांनी पंतप्रधान नरेंद्र मोदींना, काही लोक तुमच्यावर फारसे खूश नसतील, पण तुमचे व्यक्तिमत्व इतके मोठे आहे की तुम्ही त्या अस्वस्थ परिस्थितींना तोंड देऊ शकता” असे म्हटले आहे.

इंडियन कौन्सिल ऑफ वर्ल्ड अफेयर्स (ICWA) ने सप्रू हाऊस याठिकाणी आयोजित ‘शांतीचा महासागर’ या विषयावर व्याख्यान दिल्यानंतर राबुका यांनी मोदींशी केलेल्या चर्चेचा तपशील प्रेक्षकांशी शेअर केला. फिजीचे पंतप्रधान रविवारी तीन दिवसांच्या दौऱ्यावर दिल्लीत आले, ज्याचा उद्देश सागरी सुरक्षा, व्यापार, आरोग्य, डिजिटल तंत्रज्ञान आणि क्षमता बांधणी अशा विविध क्षेत्रात फिजीचे भारताशी संबंध मजबूत करणे आहे.

भारत आणि फिजी संबंध India-Fiji Relations। 
सोमवारी  भारत आणि फिजी यांनी संरक्षण संबंधांना चालना देण्यासाठी कृती आराखडा तयार केला आणि शांततापूर्ण आणि समावेशक इंडो-पॅसिफिकसाठी संयुक्तपणे काम करण्याचे मान्य केले. मोदी आणि राबुका यांनी एकूण द्विपक्षीय सहकार्य वाढवण्यासाठी चर्चा केली. आयसीडब्ल्यूए व्याख्यानानंतर, कार्यक्रमात उपस्थित असलेल्या व्यक्तीने त्यांना वेगवेगळ्या देशांच्या नेत्यांशी झालेल्या द्विपक्षीय चर्चेबद्दल आणि शांतीच्या महासागराच्या दृष्टिकोनाबद्दल त्यांना काय सांगण्यात आले याबद्दल विचारले. राबुका म्हणाले की,”माझे अमेरिकेच्या राष्ट्राध्यक्षांशी कोणतेही वैयक्तिक संभाषण झालेले नाही. मी रशियाच्या राष्ट्राध्यक्षांशी द्विपक्षीय बैठकीची विनंती केली आहे. माझी ब्रिटनच्या पंतप्रधानांशी द्विपक्षीय बैठक झाली आहे. ते म्हणाले, ‘जेव्हा आम्ही काल बोललो तेव्हा पंतप्रधान मोदींनी आमच्या भावना आणि संकल्पना पुन्हा सांगितल्या.”

अमेरिकेशी संबंधांवर परिणाम India-Fiji Relations। 

राबुका यांनी पुढे बोलताना, ‘आता, जे काही घडत आहे त्याचा अमेरिकेशी असलेल्या तुमच्या संबंधांवर परिणाम होत आहे. अलिकडच्याच टॅरिफच्या घोषणेबद्दल, मी पंतप्रधान मोदींना सांगितले की काही लोक तुमच्यावर फारसे खूश नाहीत, परंतु तुमचे व्यक्तिमत्व इतके मोठे आहे की तुम्ही त्या अस्वस्थ परिस्थिती सहन करू शकता.’असे म्हणत त्यांनी भारत आणि अमेरिकेच्या परिस्थितीवर भाष्य केले.