Hindu Temple Vandalised In USA | अमेरिकेत पुन्हा एकदा हिंदू मंदिरावर हल्ला झाला आहे. दक्षिण कॅलिफोर्नियातील सर्वात मोठे हिंदू मंदिराची तोडफोड करण्यात आल्याची घटना समोर आली आहे. बोचासनवासी अक्षर पुरुषोत्तम स्वामीनारायण संस्थेच्या (बीएपीएस) मंदिराची तोडफोड करण्यात आली, तसेच भारतविरोधी मजकूर लिहून मंदिराला अपवित्र करण्याचा प्रयत्न केला गेला.

या घटनेनंतर तीव्र प्रतिक्रिया समोर येत आहेत. भारताने देखील या घटनेवर नाराजी व्यक्त करत यासाठी जबाबदार असलेल्यांवर कठोर कारवाई करण्याची मागणी केली आहे.

In the face of another Mandir desecration, this time in Chino Hills, CA, the Hindu community stand steadfast against hate. Together with the community in Chino Hills and Southern California, we will never let hate take root. Our common humanity and faith will ensure that peace…

— BAPS Public Affairs (@BAPS_PubAffairs) March 8, 2025

BAPS पब्लिक अफेयर्सने ट्विट करत या घटनेची माहिती दिली आहे. BAPS ट्विटर पोस्टमध्ये लिहिले की, कॅलिफोर्नियातील चिनो हिल्स येथील आणखी एका मंदिराच्या विटंबना. हिंदू समुदाय या द्वेषाच्या विरोधात ठामपणे उभा आहे. चिनो हिल्स आणि दक्षिण कॅलिफोर्नियातील समुदायासोबत, आम्ही द्वेषाला कधीही मुळ धरू देणार नाही. समान मानवता आणि श्रद्धा हे शांती आणि करुणा कायम प्रयत्न करत राहील.

Our response to media queries regarding vandalism at a Hindu Temple in California:

🔗 https://t.co/8H25kCdwhY pic.twitter.com/H59bYxq7qZ

— Randhir Jaiswal (@MEAIndia) March 9, 2025

भारताने देखील या घटनेची नोंद घेत निषेध नोंदवला आहे. परराष्ट्र मंत्रालयाचे अधिकृत प्रवक्ते रणधीर जयस्वाल म्हणाले की, आम्ही कॅलिफोर्नियातील चिनो हिल्स येथे एका हिंदू मंदिरात झालेल्या तोडफोडीच्या नोंद घेतली आहे. अशा द्वेषपूर्ण कृत्याचा आम्ही तीव्र शब्दात निंदा करतो. आम्ही स्थानिक अधिकाऱ्यांना या कृत्यासाठी जबाबदार असलेल्या लोकांविरुद्ध कठोर कारवाई करण्याचे आणि पूजा स्थळांची योग्य सुरक्षा सुनिश्चित करण्याचे आवाहन करतो.

दरम्यान, याआधी देखील अमेरिकेत हिंदू मंदिरांची तोडफोड करण्यात आल्याची घटना समोर आली होती. मंदिरांवर हिंदू नागरिकांच्या विरोधातील संदेश लिहिण्यात आले होते.