India vs Zimbabwe T20I Series & Team India :  भारताचा नवोदित संघ सध्या झिम्बाब्वेच्या दौऱ्यावर आहे, जिथे 5 टी-20 आंतरराष्ट्रीय सामने खेळवले जाणार आहेत. या मालिकेसाठी टीम इंडियाची घोषणा बीसीसीआयने आधीच केली होती, ज्याचा कर्णधार शुभमन गिल आहे. दरम्यान, शुभमन गिलला मोठी संधी आहे. जर भारताने पहिल्याच सामन्यात झिम्बाब्वेला हरवले तर जे आजपर्यंत इतर कोणताही कसोटी खेळणारा देश करू शकला नाही त्या विक्रमाची नोंद भारतीय संघाच्या नावे होईल.

आंतरराष्ट्रीय टी-20 मध्ये सर्वाधिक सलग सामने जिंकणारे संघ..

सध्या, बर्म्युडा संघाच्या नावावर टी-20 आंतरराष्ट्रीय सामन्यांमध्ये सलग सर्वाधिक सामने जिंकण्याचा विक्रम आहे. संघाने 2021 ते 2023 या कालावधीत सलग 13 टी-20 आंतरराष्ट्रीय सामने जिंकले आहेत. मलेशियानेही हा पराक्रम केला आहे. या संघाने 2022 मध्ये सलग 13 सामने जिंकले आहेत. हे दोन्ही देश कसोटी सामने खेळत नाहीत. यानंतर, जर आपण पुढे पाहिले तर अफगाणिस्तान संघाने 2018 ते 2021 पर्यंत सलग 12 टी-20 आंतरराष्ट्रीय सामने जिंकले आहेत. त्याच वेळी, रोमानियाने 2020 ते 2021 पर्यंत सलग 12 सामने जिंकले आहेत.

टीम इंडिया विक्रमाच्या उंबरठ्यावर…

भारतीय संघाने 2021 ते 2022 या कालावधीत सलग 12 टी-20 आंतरराष्ट्रीय सामने जिंकले होते, परंतु त्यानंतर ही विजयाची मालिका खंडित झाली. मात्र आता पुन्हा टीम इंडिया सलग तेवढेच सामने जिंकून विजयाच्या रथावर स्वार होत आहे. 2023 पासून सुरू झालेला हा क्रम 2024 पर्यंत म्हणजेच आत्तापर्यंत चालू आहे.

जर टीम इंडियाने पहिल्या टी-20 आंतरराष्ट्रीय सामन्यात झिम्बाब्वेला पराभूत केले तर त्याच्या सलग सामने जिंकण्याची संख्या 12 वरून 13 वर जाईल. म्हणजेच सलग 13 टी-20 आंतरराष्ट्रीय सामने जिंकणारा आणि कसोटी सामने खेळणारा भारत हा पहिला देश बनेल.

ICC Champions Trophy 2025 : लाहोरमध्ये 1 मार्चला होणार भारत विरूध्द पाकिस्तान लढत? पीसीबीकडून वेळापत्रक तयार…

सलग दोन सामने जिंकले तर होईल नवा विक्रम..

एवढेच नाही तर सर्व विक्रम मोडीत काढण्याची संधी भारतीय संघाला आहे. म्हणजेच बर्म्युडा आणि मलेशियाला मागे टाकण्यासाठी भारतीय संघाला सलग आणखी दोन सामने जिंकावे लागतील, जे अवघड काम नाही. संघाला पहिला सामना शनिवारी म्हणजेच 6 जून रोजी झिम्बाब्वेविरुद्ध खेळायचा आहे, तर दुसरा सामना 7 जून रोजी म्हणजेच रविवारी होणार आहे. दोन्ही सामने हरारे येथे होणार आहेत. म्हणजे दोन दिवसांत टीम इंडिया मोठा इतिहास रचणार आहे, जो नंतर मोडणे अशक्य नाही, पण अवघड नक्कीच असेल.

झिम्बाब्वेविरुद्धच्या टी-20 मालिकेचे वेळापत्रक ( वेळ सांयकाळी 4.30 पासून)

– पहिला सामना- 6 जुलै (हरारे)
– दुसरा सामना- 7 जुलै (हरारे)
– तिसरा सामना- 10 जुलै (हरारे)
– चौथा सामना- 13 जुलै (हरारे)
– पाचवा सामना- 14 जुलै (हरारे)