WI Highest Score : गुवाहाटीमध्ये कॅरेबियन वादळ! एकाच डावात ३ फलंदाजांची शतकं; भारताविरुद्ध मोडला ४३ वर्षे जुना ऐतिहासिक विक्रम
WI Highest Score : जॉन कॅम्पबेल, शाई होप आणि अमीर जांगू यांच्या विक्रमी शतकांच्या जोरावर वेस्ट इंडिज क्रिकेट संघाने भारताविरुद्धची आपली आतापर्यंतची सर्वोच्च एकदिवसीय धावसंख्या उभारली आणि १९८३ चा विक्रम मोडला.
IND vs WI 2nd ODI West Indies Score Highest Total Against India Three Centuries World Record : भारत आणि वेस्ट इंडिज यांच्यात खेळल्या जाणाऱ्या दुसऱ्या एकदिवसीय सामन्यात वेस्ट इंडिजच्या फलंदाजांनी भारतीय गोलंदाजीची अक्षरशः पिसे काढत जागतिक क्रिकेटमध्ये नवा इतिहास रचला आहे. गुवाहाटीच्या बरसापारा स्टेडियमवर झालेल्या या सामन्यात विंडीजच्या तब्बल तीन फलंदाजांनी शतके झळकावण्याचा महापराक्रम केला. या तुफानी फलंदाजीच्या जोरावर वेस्ट इंडिजने एकदिवसीय क्रिकेटमध्ये भारताविरुद्ध आतापर्यंतची सर्वोच्च धावसंख्या (Highest ODI Total) उभारून तब्बल ४३ वर्षांपूर्वीचा अभेद्य विक्रम मोडला.
१९८३ चा जमशेदपूरमधील विक्रम इतिहासजमा; ४२ व्या षटकातच ओलांडला टप्पा!
याआधी वेस्ट इंडिजने ७ डिसेंबर १९८३ रोजी जमशेदपूर येथे भारताविरुद्ध ८ बाद ३३३ धावांची सर्वोच्च धावसंख्या उभारली होती. गेल्या ४३ वर्षांत कॅरेबियन संघाला भारताविरुद्ध कधीही या धावसंख्येचा टप्पा पार करता आला नव्हता. मात्र, गुवाहाटीच्या मैदानावर विंडीजने अवघ्या ४२ व्या षटकातच ३३३ धावांचा टप्पा ओलांडून हा जुना विक्रम भुईसपाट केला. या सामन्यात वेस्ट इंडिजने ७ बाद ४०५ धावांचा विशाल डोंगर उभारला.
कॅम्पबेल, होप अन् आमिर जंगूचे तुफान; ठोकली ३ शतके!
Only the sixth time in ODIs where three hundreds have come in one innings 🙌
The West Indian batters are making merry in Guwahati pic.twitter.com/Q967VFetvK
— Cricinfo (@cricinfo) September 30, 2026
वेस्ट इंडिजच्या डावात तीन फलंदाजांनी शतकी तांडव केले. सलामीवीर जॉन कॅम्पबेलने अवघ्या ६८ चेंडूंत १०१ धावांची तुफानी खेळी साकारली. त्यानंतर कर्णधार शाई होपने ९४ चेंडूंत १०४ धावांची संयमी व आक्रमक खेळी केली, तर मधल्या फळीत आमिर जंगूने अवघ्या ७७ चेंडूंत ११४ धावांची आतषबाजी केली. फक्त या तिघांनीच मिळून ३०० पेक्षा अधिक धावा कुटल्या. एकाच एकदिवसीय सामन्यात वेस्ट इंडिजच्या तीन फलंदाजांनी शतके ठोकण्याची ही इतिहासातील पहिलीच वेळ आहे.
जागतिक क्रिकेटमध्ये केवळ सहाव्यांदाच घडला चमत्कार!
◾ WI’s highest ever ODI total
◾ The highest ODI total in Guwahati
◾ First time WI have three centurionsA RECORD-BREAKING NIGHT FOR WI 🔥
(India’s highest successful chase is 362 👀) pic.twitter.com/CSbRbhKbrj
— Cricinfo (@cricinfo) September 30, 2026
एकदिवसीय क्रिकेटच्या संपूर्ण इतिहासात एकाच डावात तीन फलंदाजांनी शतके ठोकण्याची ही केवळ सहावी वेळ ठरली आहे. भारताविरुद्ध असा पराक्रम आजवर कोणत्याही संघाला करता आला नव्हता, जो आता विंडीजने करून दाखवला. यापूर्वी २०२३ मध्ये ऑस्ट्रेलियाच्या तीन फलंदाजांनी दक्षिण आफ्रिकेविरुद्ध एकाच सामन्यात शतके झळकावली होती; त्यानंतर आता गुवाहाटीत हा विश्वविक्रम नोंदवला गेला.
