मैदानावर आज IND vs PAK महासंग्राम! सेहवाग-द्रविडच्या लेकांवर मोठी जबाबदारी; पाहा कुठे अन् कधी पाहता येणार मॅच?
IND vs PAK : आज भारत आणि पाकिस्तान आमनेसामने आहेत, चला जाणून घेऊया की चाहते हा सामना केव्हा, कुठे आणि कसा पाहू शकतील?
IND vs PAK U19 Asia Cup 2026 Al Amerat Match Preview : एसीसी मेन्स अंडर-१९ आशिया कप २०२६ मध्ये आज (रविवारी) क्रिकेट चाहत्यांना एका अत्यंत हाय-व्होल्टेज लढतीचा थरार अनुभवता येणार आहे. ओमानमधील अल अमरात क्रिकेट मैदानावर पारंपरिक प्रतिस्पर्धी भारत आणि पाकिस्तानचे युवा संघ आमनेसामने ठाकणार आहेत. या ब्लॉकबस्टर सामन्यात भारतीय फलंदाजीचे दोन प्रमुख चेहरे आर्यवीर सेहवाग आणि अन्वय द्रविड यांच्या कामगिरीकडे संपूर्ण क्रिकेट विश्वाचे लक्ष लागले आहे. हा सामना जिंकणारा संघ केवळ आपल्या गटात अव्वल स्थान पटकावणार नाही, तर उपांत्य फेरीतील आपले स्थानही जवळपास निश्चित करेल.
भारताचा नेपाळवर १० गडी राखून दणदणीत विजय –
भारतीय अंडर-१९ संघ या महामुकाबल्यात प्रचंड आत्मविश्वासाने मैदानात उतरणार आहे. शुक्रवारी झालेल्या सलामीच्या लढतीत भारताने नेपाळचा १० गडी राखून लाजिरवाणा पराभव केला होता. नेपाळने दिलेले १२९ धावांचे माफक लक्ष्य भारताच्या सलामी जोडीने एकही गडी न गमावता अवघ्या १९.१ षटकांत लीलया पार केले होते. भारताची गोलंदाजी आणि फलंदाजी दोन्ही आघाड्यांवर सध्या जबरदस्त लयीत असल्याचे या विजयाने दाखवून दिले आहे.
पाकिस्तानने यूएईला ९ विकेट्सने चारली धूळ –
🔥 IND vs PAK U19 WAR! 🥊
The ultimate clash is HERE! India U19 takes on Pakistan U19 in a high-octane ACC Men’s U19 Asia Cup battle today! ⚔️🏏
⏰ Time: 10:30 AM IST (Toss at 10:00 AM IST)
📍 Venue: Al Amerat Cricket Ground, Oman
📺 Live Telecast: Sony Sports Network
📲 Live Streaming: SonyLIV app & website
Who’s taking the bragging rights today? Drop your predictions below! 👇🇮🇳
#INDvPAK #U19AsiaCup #BoysInBlue #CricketTwitter #BleedBlue
— @WealthWisdomWave (@Djeykarthik) November 8, 2026
दुसऱ्या बाजूला पाकिस्तानच्या संघानेही स्पर्धेत दमदार विजयी सुरुवात केली आहे. आपल्या पहिल्या सामन्यात पाकिस्तानने यजमान यूएईचा ९ गडी राखून धुव्वा उडवला होता. यूएईने विजयासाठी ठेवलेले २२५ धावांचे मोठे आव्हान पाकिस्तानने ३७.३ षटकांत सहज पूर्ण केले. त्यामुळे दोन्ही संघ सध्या तुफान फॉर्मात असून आजच्या सामन्यात काट्याची टक्कर पाहायला मिळणार आहे. या सामन्यानंतर गटातील शेवटच्या सामन्यात भारताची गाठ यूएईशी, तर पाकिस्तानची लढत नेपाळशी होणार आहे.
कधी, कुठे आणि कसे पाहाल थेट प्रक्षेपण?
भारत आणि पाकिस्तान यांच्यातील ही रोमहर्षक लढत भारतीय वेळेनुसार सकाळी १०:३० वाजता सुरू होणार आहे. क्रिकेट चाहत्यांना या सामन्याचे थेट प्रक्षेपण टीव्हीवर सोनी स्पोर्ट्स नेटवर्कवर (Sony Sports Network) पाहता येईल. तसेच मोबाईल आणि लॅपटॉपवर ऑनलाइन लाईव्ह स्ट्रीमिंगचा आनंद घेण्यासाठी चाहत्यांना सोनी लिव (SonyLIV) ॲप आणि वेबसाईटवर सामना पाहता येईल.
