India Tour of New Zealand 2026 Schedule : आयपीएल २०२६ चा हंगाम संपल्यानंतर भारतीय क्रिकेट संघाच्या आगामी आंतरराष्ट्रीय सामन्यांचे वेळापत्रक एकापाठोपाठ एक समोर येत आहे. आता ‘न्यूझीलंड क्रिकेट’ने आगामी भारत दौऱ्याचे संपूर्ण आणि सविस्तर वेळापत्रक अधिकृतपणे जाहीर केले आहे. ऑक्टोबर आणि नोव्हेंबर महिन्यांत रंगणारा हा दौरा अत्यंत मोठा आणि ऐतिहासिक असणार आहे. या दौऱ्यात टी-२०, वन-डे आणि कसोटी अशा तिन्ही फॉरमॅटच्या मालिका खेळवल्या जाणार असून, दोन्ही संघांसाठी ही मालिका अत्यंत प्रतिष्ठेची ठरणार आहे.

न्यूझीलंडच्या इतिहासातील सर्वात मोठा दौरा; १२ सामने रंगणार!

या दौऱ्याचे सर्वात मोठे वैशिष्ट्य म्हणजे भारत आणि न्यूझीलंड यांच्यात तिन्ही फॉरमॅट मिळून एकूण १२ सामने खेळवले जाणार आहेत. न्यूझीलंड क्रिकेटच्या इतिहासातील हा आजवरचा सर्वात मोठा आणि प्रदीर्घ दौरा ठरणार आहे. तसेच, साल २०१९ नंतर म्हणजेच तब्बल ७ वर्षांनंतर भारतीय संघ न्यूझीलंडच्या भूमीवर कसोटी (टेस्ट) सामने खेळताना दिसणार आहे. भारताच्या या दौऱ्यानंतर न्यूझीलंड संघ श्रीलंकेच्या संघाचेही यजमानपद भूषवणार आहे.

डब्ल्यूटीसी फायनल आणि वन-डे वर्ल्डकप २०२७ च्या दृष्टीने अत्यंत महत्त्वाची मालिका!

या दौऱ्यातील वन-डे मालिका दोन्ही संघांसाठी पुढील वर्षी (२०२७) होणाऱ्या वन-डे विश्वचषक स्पर्धेच्या तयारीच्या दृष्टीने अत्यंत महत्त्वाची असेल. तर दुसरीकडे, दोन सामन्यांची कसोटी मालिका ‘जागतिक कसोटी चॅम्पियनशिप’ (WTC) अंतर्गत खेळवली जाईल. सध्या डब्ल्यूटीसी गुणतालिकेत (Points Table) भारतीय संघ बराच मागे आहे. त्यामुळे पुढील वर्षी होणाऱ्या महाअंतिम सामन्यात (फायनल) स्थान मिळवण्यासाठी भारताला न्यूझीलंडविरुद्धचे दोन्ही कसोटी सामने जिंकणे अनिवार्य आहे. मात्र, न्यूझीलंडला त्यांच्याच मायभूमीत धूळ चारणे टीम इंडियासाठी सोपे असणार नाही.

भारत विरुद्ध न्यूझीलंड मालिकेचे संपूर्ण वेळापत्रक (Schedule):

26 matches, 8 cities and a mega tour from India 👌

The 2026-27 International Schedule is here!

Join CRICKET NATION at https://t.co/3YsfR1Y3Sm for an exclusive ticket pre-sale in August 🎟️ pic.twitter.com/j1uKjTOYYm

— BLACKCAPS (@BLACKCAPS) June 3, 2026

५ सामन्यांची टी२० आंतरराष्ट्रीय मालिका:

१ ला टी२०: २२ ऑक्टोबर – क्राइस्टचर्च

२ रा टी२०: २४ ऑक्टोबर – क्राइस्टचर्च

३ रा टी२०: २७ ऑक्टोबर – वेलिंग्टन

४ था टी२०: ३० ऑक्टोबर – ऑकलैंड

५ वा टी२०: १ नोव्हेंबर – हॅमिल्टन

५ सामन्यांची वन-डे  मालिका:

१ ला वनडे: ४ नोव्हेंबर – ऑकलैंड

२ रा वनडे: ७ नोव्हेंबर – वेलिंग्टन

३ रा वनडे: १० नोव्हेंबर – हॅमिल्टन

४ था वनडे: १३ नोव्हेंबर – माउंट माउंगानुई

५ वा वनडे: १५ नोव्हेंबर – माउंट माउंगानुई

हेही वाचा – Vaibhav Fake Video : वैभव सूर्यवंशीचं हर्षा भोगलेंशी थेट गैरवर्तन? ‘त्या’ वादग्रस्त VIDEO मागचं धक्कादायक सत्य आलं समोर!

२ सामन्यांची कसोटी मालिका:

१ ली कसोटी : १९ ते २३ नोव्हेंबर – वेलिंग्टन

२ री कसोटी : २७ नोव्हेंबर ते १ डिसेंबर – क्राइस्टचर्च