India vs New Zealand Test Series 2024 : भारतीय संघाने कसोटी मालिकेत बांगलादेशचा 2-0 असा पराभव केला. आता टीम इंडियासमोर न्यूझीलंडचे आव्हान असणार आहे. भारत आणि न्यूझीलंड यांच्यात 3 कसोटी सामन्यांची मालिका खेळवली जाणार आहे. भारत-ऑस्ट्रेलिया बॉर्डर गावस्कर करंडक स्पर्धेपूर्वी न्यूझीलंडविरूध्दची मालिका खूपच रोमांचक होणार आहे. भारत-न्यूझीलंड कसोटी मालिका 16 ऑक्टोबरपासून सुरू होत आहे. सध्या भारतीय संघ जागतिक कसोटी चॅम्पियनशिप गुणतालिकेत अव्वल स्थानावर आहे. रोहित शर्माच्या नेतृत्वाखालील भारतीय संघ न्यूझीलंडचा पराभव करून जागतिक कसोटी चॅम्पियनशिप गुणतालिकेत आपले स्थान आणखी मजबूत करू शकतो. भारत-न्यूझीलंड कसोटी मालिकेचे वेळापत्रक… भारत आणि न्यूझीलंड यांच्यातील पहिला कसोटी सामना 16 ऑक्टोबर ते 20 ऑक्टोबर दरम्यान बेंगळुरू येथे खेळवला जाणार आहे. यानंतर 24 ऑक्टोबर ते 28 ऑक्टोबर दरम्यान दोन्ही संघ पुण्यात आमने-सामने येतील. त्याचबरोबर या मालिकेतील तिसरी कसोटी 1 नोव्हेंबर ते 5 नोव्हेंबर दरम्यान मुंबईत खेळवली जाणार आहे. भारतीय वेळेनुसार सामना सकाळी 9.30 वाजता तर न्यूझीलंडच्या प्रमाण वेळेनुसार संध्याकाळी 5 वाजता कसोटी सामना सुरू होईल. लाइव्ह ब्रॉडकास्टिंग आणि स्ट्रीमिंग कुठे बघायचे… भारतीय चाहत्यांना Sports18 नेटवर्क चॅनेलवर भारत विरुद्ध न्यूझीलंड कसोटी मालिकेचे थेट प्रक्षेपण पाहता येणार आहे. स्पोर्ट्स 18 नेटवर्ककडे या मालिकेचे प्रसारण अधिकार आहेत. याशिवाय, जिओ सिनेमा ॲप आणि साइटवर लाइव्ह स्ट्रीमिंग उपलब्ध असेल. तर न्यूझीलंडमध्ये स्काय स्पोर्ट्सवर थेट प्रक्षेपण केले जाईल. IND vs NZ Test Series : आर. अश्विनला किवी संघाविरुद्ध इतिहास रचण्याची संधी, मोडू शकतो ‘हे’ 5 महान विक्रम… न्यूझीलंड मालिकेसाठी भारतीय संघ (स्क्वॉड) : रोहित शर्मा (कर्णधार), जसप्रीत बुमराह (उपकर्णधार), यशस्वी जैस्वाल, शुभमन गिल, विराट कोहली, केएल राहुल, सर्फराज खान, ऋषभ पंत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, रवींद्र जडेजा, अक्षर पटेल, कुलदीप यादव, मोहम्मद सिराज आणि आकाश दीप राखीव खेळाडू : हर्षित राणा, मयंक यादव, प्रसिध कृष्णा आणि नितीश कुमार रेड्डी भारत दौऱ्यासाठी न्यूझीलंड संघ (स्क्वॉड) – टॉम लॅथम (कर्णधार), टॉम ब्लंडेल (विकेटकीपर), मायकेल ब्रेसवेल (फक्त पहिली कसोटी), मार्क चॅपमन, डेव्हॉन कॉनवे, मॅट हेन्री, डॅरिल मिशेल, विल ओ’रुर्के, एजाज पटेल, ग्लेन फिलिप्स, रचिन रवींद्र, मिचेल सँटनर, बेन सीयर्स, ईश सोधी (केवळ दुसरी आणि तिसरी कसोटी), टीम साऊदी, केन विल्यमसन आणि विल यंग.
