IND vs NZ : तिलक-नितीशची थरारक खेळी! भारताचा न्यूझीलंडवर शेवटच्या षटकात रोमहर्षक विजय, मालिकेत २-० अशी आघाडी
IND vs NZ : भारताने न्यूझीलंडविरुद्धच्या टी-२० मालिकेतील दुसरा सामना ४ गडी आणि एक चेंडू राखून जिंकला आहे. एके वेळी संघाचा पराभव निश्चित वाटत होता, पण तिलक वर्मा आणि नितीश कुमार रेड्डी यांनी संघाला विजय मिळवून दिला.
IND vs NZ India Beat New Zealand by 4 Wickets in 2nd T20I in Christchurch : भारत आणि न्यूझीलंड यांच्यातील दुसऱ्या टी-२० सामन्यात भारतीय संघाने पुन्हा एकदा अशक्य वाटणारा विजय खेचून आणला. शेवटच्या ५ षटकांत विजयासाठी तब्बल ६८ धावांची गरज असताना आणि किवी गोलंदाज वरचढ ठरत असताना, उपकर्णधार तिलक वर्मा आणि अष्टपैलू नितीश कुमार रेड्डी यांनी जिद्दीने फलंदाजी करत अखेरच्या षटकात भारताला ४ गडी राखून थरारक विजय मिळवून दिला. प्रथम फलंदाजी करताना न्यूझीलंडने १८१ लक्ष्य ठेवले होते, जे भारताने शेवटच्या षटकात पूर्ण करत पाच सामन्यांच्या मालिकेत २-० अशी भक्कम आघाडी घेतली.
विशेष म्हणजे या लक्ष्याचा पाठलाग करताना, ७० धावांवर भारताचा निम्मा संघ तंबूत परतला होता. त्यानंतर, तिलक वर्मा, नमन धीर आणि नितीश कुमार रेड्डी या त्रिकुटाने फलंदाजीत उत्कृष्ट कामगिरी करत टीम इंडियाच्या रोमांचक विजयात महत्त्वाची भूमिका बजावली. तिलक वर्माची नाबाद ५१ (२६) धावांची खेळी टीम इंडियासाठी मॅच विनिंग खेळली ठरली. त्याला नितीश कुमार रेड्डीची मोलाची साथ लाभली. त्याने मोक्याच्या वेळी नाबाद २६ (१३) धावांचे महत्त्वपूर्ण योगदान देत भारताचा विजय सुकर केला.
Tilak 𝐂𝐋𝐔𝐓𝐂𝐇 Varma 🫡
The #TeamIndia Vice-Captain walks away with a well-deserved POTM award 👏
Scorecard ▶️ https://t.co/FZtUFIFWS2
#NZvIND https://t.co/zyfDlnctxQ
— BCCI (@BCCI) October 24, 2026
४१ धावांवर ३ बाद; फिलिप्स आणि जॅकब्सची शतकी भागीदारी
नाणेफेक गमावून प्रथम फलंदाजी करणाऱ्या न्यूझीलंडची सुरुवात अत्यंत खराब झाली. टिम सेफर्टला (७) अर्शदीप सिंगने स्वस्तात बाद केले, तर डॅरिल मिचेलला भुवनेश्वर कुमारने माघारी धाडले. फिन ॲलनला (१६) पदार्पणवीर प्रिन्स यादवने अप्रतिम चेंडूवर त्रिफळाचीत केले. अवघ्या ४१ धावांत ३ आघाडीचे फलंदाज गमावल्यानंतर ग्लेन फिलिप्स आणि बेवन जॅकब्स यांनी डावाची सूत्रे हाती घेतली. या दोघांनी चौथ्या विकेटसाठी अवघ्या ७६ चेंडूंत ११६ धावांची जबरदस्त भागीदारी रचत न्यूझीलंडला मोठ्या धावसंख्येकडे नेले.
ग्लेन फिलिप्सचे तुफानी अर्धशतक; न्यूझीलंडचे १८० धावांचे आव्हान
46 off 18? No problem for these two 🔥
Scorecard ▶️ https://t.co/FZtUFIFWS2
#TeamIndia | #NZvIND https://t.co/eBaIQuhwil
— BCCI (@BCCI) October 24, 2026
बेवन जॅकब्सने ४६ चेंडूंत ५ चौकार आणि १ षटकारासह ५८ धावांची महत्त्वपूर्ण खेळी केली. तर ग्लेन फिलिप्सने भारतीय गोलंदाजांवर प्रतिहल्ला चढवत अवघ्या ४३ चेंडूंत ४ चौकार आणि ४ उत्तुंग षटकारांसह ७० धावांची वादळी खेळी साकारली. अखेरीस मिचेल सँटनरने नाबाद ४ आणि मायकेल ब्रेसवेलने २ चेंडूंत १० धावा चोपल्याने न्यूझीलंडने ५ बाद १८० धावांचा सन्मानजनक आकडा गाठला.
भुवनेश्वर पुन्हा ठरला महागडा; अर्शदीप-अक्षरची अचूक गोलंदाजी
Innings Break!
New Zealand post a total of 180/5 on the board.
Arshdeep Singh was the pick of the bowlers with bowling figures of 2/33.
Scorecard – https://t.co/FZtUFIFWS2 #NZvIND https://t.co/YYKf6VPpx4
— BCCI (@BCCI) October 24, 2026
भारतीय गोलंदाजीत अनुभवी वेगवान गोलंदाज भुवनेश्वर कुमार पुन्हा एकदा प्रचंड महागडा ठरला; त्याने ४ षटकांत तब्बल ५० धावा देत अवघा १ विकेट्स मिळवली. अर्शदीप सिंग भारताचा सर्वात यशस्वी गोलंदाज ठरला, त्याने ३३ धावांत २ गडी बाद केले. फिरकीपटू अक्षर पटेलने शानदार मारा करत ४ षटकांत केवळ २८ धावा दिल्या. याशिवाय प्रिन्स यादव आणि नितीश कुमार रेड्डी यांनी प्रत्येकी एक विकेट घेत किवी फलंदाजांना रोखण्याचा प्रयत्न केला.
