Devdutt Padikkal Catch : ‘माझा की तुझा’ या संभ्रमात देवदत्त पडिक्कलच्या हातून सुटला झेल! पंत अन् गिलच्या रिअॅक्शन होतेय व्हायरल
Devdutt Padikkal Catch : प्रसिध कृष्णाच्या गोलंदाजीवर हेन्री निकोल्सने मारलेला एक सोपा झेल देवदत्त पडिक्कलने सोडला, ज्याचा व्हिडीओ व्हायरल होत आहे. यामधील पंत आणि गिल यांची प्रतिक्रिया पाहण्यासारखी आहे.

IND vs NZ 1st Test Devdutt Padikkal Drops Henry Nicholls Catch Shubman Gill Reaction : भारत आणि न्यूझीलंड यांच्यातील पहिल्या कसोटी सामन्याच्या पहिल्या दिवशी भारतीय गोलंदाजांनी दमदार सुरुवात केली होती; मात्र दिवस सरत गेला तसा किवी फलंदाजांनी सामन्यावर आपली पकड मजबूत केली. शेवटच्या सत्रात खेळ संपण्यापूर्वी शतकवीर हेन्री निकोल्सला बाद करण्याची सुवर्णसंधी भारताकडे चालून आली होती, परंतु देवदत्त पडिक्कलने अत्यंत सोपा झेल सोडल्याने न्यूझीलंडने पहिल्या दिवसअखेर ५ बाद २४३ धावांपर्यंत मजल मारली.
७० धावांत ५ गडी गमावल्यानंतर निकोल्स आणि फिलिप्सचा कडवा प्रतिकार
प्रथम फलंदाजी करणाऱ्या न्यूझीलंडची अवस्था सुरुवातीच्या २८.२ षटकांत अवघ्या ७० धावांत ५ बाद अशी अत्यंत बिकट झाली होती. त्यानंतर मात्र हेन्री निकोल्स आणि ग्लेन फिलिप्स यांनी पुढील ५३.४ षटकांत भारतीय गोलंदाजांना एकही यश मिळू न देता १७३ धावांची अभेद्य भागीदारी रचली, ज्यात एकट्या शेवटच्या सत्रात १०३ धावांचा पाऊस पाडला.
हेन्री निकोल्सचे शानदार शतक, तर ग्लेन फिलिप्स शतकाच्या उंबरठ्यावर –
दिवसाचा खेळ थांबला तेव्हा हेन्री निकोल्स २२१ चेंडूंत १४ चौकारांसह नाबाद ११३ धावांवर, तर ग्लेन फिलिप्स १८२ चेंडूंत १३ चौकारांसह नाबाद ९४ धावांवर खेळत होता. दुसऱ्या दिवशी फिलिप्स आपले शतक पूर्ण करण्यास सज्ज असताना, पडिक्कलने सोडलेला झेल भारतीय संघाला प्रचंड महागात पडताना दिसत आहे. आता तो जोपर्यत बाद होत नाही, तोपर्यंत देवदत्त पडिक्कल सुटकेचा निश्वास सोडू शकणार नाही.
🔴DEVDUTT PADIKKAL DROPS AN EASY CATCH, GILL ANGRY WITH HIM 🤦
– Prasidh Krishna bowled a bouncer to Henry Nicholls, which resulted in a catching opportunity for India.
– Padikkal & Pant both ran towards the ball. Padikkal called for the catch, saying it was his, but ended up dropping it.
– Gill was furious and shouted at him, while Pant also had something to say. 😒
— Sam (@cricsam02) November 19, 2026
७४ व्या षटकात प्रसिध कृष्णाच्या चेंडूवर घडला नाट्यमय प्रकार –
India will be ruing that missed opportunity!
How big will this miss prove to be? 🤔
Watch the HERO VIDA India Tour of New Zealand, 1st Test, LIVE NOW on Sony Sports Network TV channels & Sony LIV.
#SonySportsNetwork #SonyLIV #NZvIND https://t.co/GuVawgAAf8
— Sony Sports Network (@SonySportsNetwk) November 19, 2026
डावाच्या ७४ व्या षटकात प्रसिध कृष्णाच्या चेंडूवर पूल शॉट खेळण्याच्या प्रयत्नात निकोल्सच्या बॅटची कड लागून चेंडू बॅकवर्ड स्क्वेअर लेगच्या दिशेने हवेत उडाला. झेल टिपण्यासाठी देवदत्त पडिक्कल आणि यष्टिरक्षक ऋषभ पंत दोघेही वेगाने धावले; मात्र दोघांनी एकमेकांना पाहून वेग कमी केल्याने गोंधळ उडाला आणि चेंडू पडिक्कलच्या हाताला लागून जमिनीवर पडला. ज्यामुळे निकोल्सला जीवनदान मिळाले.
‘माझा की तुझा’ या संभ्रमात सुटला झेल; शुबमन गिलची नाराजी स्पष्ट
It was an easy catch, but both Rishabh Pant and Devdutt Padikkal blew it.
#INDvsNZ #NZvsIND https://t.co/pcrSgPuPp2
— Praveen pravis (@Praveen11851683) November 19, 2026
चेंडू जमिनीवर पडताच गोलंदाज प्रसिध कृष्णाला धक्का बसला आणि थेट डोक्यालाच हात लावला, तर पंत आणि पडिक्कल एकमेकांकडे पाहत राहिले. या प्रकारामुळे कर्णधार शुबमन गिल अत्यंत नाराज दिसून आला, मात्र हतबल होऊन पाहण्यापलीकडे तो काहीही करू शकला नाही. या क्षणाचा व्हिडीओ सोशल मीडियावर तुफान व्हायरल होत आहे.





