T20 World Cup 2024 (IND vs ENG Semi Final ) :- टी-20 विश्वचषक 2024 चा दुसरा उपांत्य सामना गयाना येथे खेळला जाईल. भारत आणि इंग्लंडचे संघ एकमेकांविरुद्ध मैदानात उतरतील. पहिला उपांत्य सामना दक्षिण आफ्रिका आणि अफगाणिस्तान यांच्यात होणार आहे. या सामन्यासाठी राखीव दिवस ठेवण्यात आला आहे. मात्र दुसऱ्या उपांत्य फेरीच्या सामन्यासाठी राखीव दिवस ठेवण्यात आलेला नाही. पावसामुळे या सामन्यावर परिणाम झाला तर चाहत्यांना निकालाची प्रतीक्षा करावी लागू शकते.

टी-20 विश्वचषकाचा पहिला उपांत्य सामना दक्षिण आफ्रिका आणि अफगाणिस्तान यांच्यात होणार आहे. हा सामना त्रिनिदाद येथे होणार आहे. या सामन्यादरम्यान पाऊस पडल्यास त्यासाठी अतिरिक्त वेळ मिळेल. अतिवृष्टीमुळे सामना खेळता आला नसला तरी राखीव दिवशी खेळता येईल. मात्र दुसऱ्या उपांत्य फेरीसाठी राखीव दिवस ठेवण्यात आलेला नाही.

भारत-इंग्लंड सामन्यासाठी राखीव दिवस का ठेवण्यात आला नाही?

भारत आणि इंग्लंड यांच्यातील दुसरा उपांत्य सामना गुरुवारी गयाना येथे खेळवला जाणार आहे. त्यानंतर शनिवारी अंतिम सामना होणार आहे. दुसरा सेमीफायनल आणि फायनलमध्ये फक्त एक दिवसाचा अवधी आहे. त्यामुळे दुसऱ्या उपांत्य फेरीसाठी राखीव दिवस ठेवण्यात आलेला नाही. पावसामुळे हा सामना रद्द झाला तर टीम इंडिया फायनलमध्ये जाईल कारण गुणतालिकेत भारतीय संघ अव्वल स्थानावर आहे.

T20 World Cup 2024 : भारत-इंग्लंड Semi Final च्या सामन्यावर पावसाचं सावट, सामना रद्द झाला तर Final चे तिकीट कोणाला मिळणार? जाणून घ्या, ICC चे नियम..

गयानामध्ये पावसाची शक्यता…

भारत आणि इंग्लंड यांच्यातील सामन्यादरम्यान पावसाची शक्यता आहे. जर जास्त पाऊस झाला तर सामना रद्द होईल. अशा स्थितीत टीम इंडिया गुणतालिकेत अव्वल असल्याने न खेळता फायनलमध्ये पोहोचू शकते. या टी-20 विश्वचषकात भारताची शानदार कामगिरी पाहायला मिळाली. टीम इंडियाने एकही सामना गमावलेला नाही. त्यामुळे इंग्लंडने सामना खेळला तरी त्यांच्यासाठी विजय सोपा नसेल.