IND vs ENG Mohammed Siraj surpasses Jasprit Bumrah : भारत आणि इंग्लंड यांच्यातील पाचव्या आणि अंतिम कसोटी सामन्यात केनिंग्टन ओव्हल येथे खेळल्या जाणाऱ्या सामन्यात भारतीय वेगवान गोलंदाज मोहम्मद सिराजने दमदार कामगिरी केली. सिराजने इंग्लंडच्या पहिल्या डावात ४ विकेट्स घेत आपला ठसा उमटवला. विशेष म्हणजे, इंग्लंडच्या भूमीवर कसोटी सामन्यात एका डावात सर्वाधिक वेळा ४ विकेट्स घेण्याचा विक्रम केला आहे. यासह त्याने जसप्रीत बुमराहला मागे टाकले आहे.

जसप्रीत बुमराहने इंग्लंडमध्ये आतापर्यंत ५ वेळा एका कसोटी डावात ४ विकेट्स घेतल्या आहेत. मात्र, सिराजने हा पराक्रम ६ वेळा करून त्याला मागे टाकले. यासह सिराजने आशियाई गोलंदाजांमध्ये इंग्लंडच्या भूमीवर सर्वाधिक वेळा ४ विकेट्स घेण्याच्या बाबतीत श्रीलंकेचा मुथैया मुरलीधरन आणि पाकिस्तानचा वकार युनूस यांच्या विक्रमाशी बरोबरी केली आहे. मुरलीधरन आणि युनूस यांनीही इंग्लंडमध्ये टेस्ट सामन्यात ६ वेळा ४ विकेट्स घेतल्या आहेत.

इंग्लंडमध्ये एका डावात सर्वाधिक वेळा ४ विकेट्स घेणारे आशियाई गोलंदाज :

• मोहम्मद सिराज: ६ वेळा
• मुथैया मुरलीधरन: ६ वेळा
• वकार युनूस: ६ वेळा
• जसप्रीत बुमराह: ५ वेळा
• मोहम्मद आमिर: ५ वेळा
• यासिर शाह: ५ वेळा

हेही वाचा – IND vs ENG : ‘हा आमच्या योजनेचा भाग होता, पण…’, जो रूटसोबतच्या वादाबद्दल प्रसिध कृष्णाचा मोठा खुलासा

बुमराहच्या अनुपस्थितीत सिराजची कमाल –

या सामन्यात जसप्रीत बुमराह वर्कलोड व्यवस्थापनामुळे खेळत नसताना सिराजने भारतीय गोलंदाजीची धुरा यशस्वीपणे सांभाळली. आकडेवारीनुसार, बुमराहच्या उपस्थितीत सिराजने ४७ कसोटी डावांत ३५ च्या सरासरीने ७४ विकेटेस घेतले आहेत. मात्र, बुमराहच्या अनुपस्थितीत त्याने २८ डावांत २५.६ च्या प्रभावी सरासरीने ४४ विकेट्स घेतल्या आहेत.

हेही वाचा – IND vs ENG : बेन डकेटला पंगा घेणं पडलं महागात, साई सुदर्शनने मागे फिरुन दिलं चोख प्रत्युत्तर, पाहा VIDEO

यापूर्वी इंग्लंडविरुद्धच्या दुसऱ्या कसोटी सामन्यातही बुमराह नसताना सिराजने दोन्ही डावांत मिळून ७ विकेट्स घेतल्या होत्या.सिराजच्या या शानदार कामगिरीने भारतीय संघाला सामन्यात मजबूत पकड मिळवून दिली आहे. त्याच्या या योगदानामुळे भारतीय चाहत्यांमध्ये उत्साहाचे वातावरण आहे.