IND vs BAN 1st Test (Rohit Sharma PC) : भारत आणि बांगलादेश यांच्यातील कसोटी मालिका सुरू होणार आहे. चेन्नईतील स्टेडियम पहिल्या सामन्यासाठी सज्ज झाले आहे. संघांची तयारी आणि रणनीती आता अंतिम टप्प्यात आहे. दरम्यान, सामन्याच्या दोनच दिवस आधी भारतीय संघाचा कर्णधार रोहित शर्मानं मीडियाशी संवाद साधला. यादरम्यान रोहितने अनेक गोष्टींबद्दल मत व्यक्त केले आणि संघातील खेळाडूंचेही खूप कौतुक केले. या संवादातून संभाव्य प्लेइंग इलेव्हन अंदाज समोर आला आहे.

कर्णधार रोहित शर्माने मीडियाशी बोलताना केएल राहुलचे खूप कौतुक केले. रोहित म्हणाला की, “राहुल काय करू शकतो हे आपल्या सर्वांना माहीत आहे. तो खूप प्रतिभावान खेळाडू आहे. केएल राहुलने दक्षिण आफ्रिकेविरुद्ध शानदार शतक झळकावले होते, त्यानंतर हैदराबादमध्येही त्याने 80 हून अधिक धावांची इनिंग खेळली होती. मात्र, दुर्दैवाने यानंतर तो दुखापतग्रस्त झाला आणि खेळू शकला नाही.”

राहुल कसोटी खेळू शकत नाही असे कोणतेही कारण मला दिसत नाही, असे रोहितने स्पष्टपणे सांगितले. रोहितने स्पष्टपणे सांगितले नसले तरी 19 सप्टेंबरपासून होणाऱ्या कसोटीच्या प्लेइंग इलेव्हनमध्ये केएल राहुलचा समावेश जवळपास निश्चित असल्याचे संकेत त्याने आपल्या चर्चेत दिले आहेत. याचाच अर्थ सर्फराज खानला पहिल्याच सामन्यात बाहेर बसावे लागण्याची शक्यता आहे.

IND vs BAN : चेन्नई कसोटीपूर्वी रोहित शर्माने केली गर्जना, जाणून घ्या पत्रकार परिषदेतील 5 मोठे मुद्दे…

रोहित शर्मा पुढे बांगलादेशविरूध्दच्या कसोटी मालिकेबदल म्हणाला की, “प्रत्येक मालिका महत्त्वाची असते, आम्ही टी-20 विश्वचषकाचे विजेतेपद जिंकले असेल, पण उभय देशातील मालिकाही खूप महत्त्वाच्या आहेत. कोणतीही मालिका जिंकणे हे आमचे पहिले लक्ष्य असल्याचे तो म्हणाला.

चेन्नईतील तयारीबाबत रोहित शर्मा म्हणाला की, संपूर्ण संघाने चेन्नईत सराव सत्रात भाग घेतला आणि खूप काही शिकून घेतले. याआधी काही खेळाडू दुलीप ट्रॉफीमध्येही आपापल्या संघाकडून खेळले आहेत. त्यामुळे आगामी मालिका खूप चांगली होणार आहे.