IND vs BAN Abhishek Sharma break Sanath Jayasuriya Record : भारतीय संघातील युवा सलामीवीर अभिषेक शर्माने आशिया कप २०२५ मध्ये एका हंगामातील सर्वाधिक षटकारांचा विश्वविक्रम केला आहे. बांगलादेशविरुद्धच्या सुपर फोर सामन्यात त्यांनी ३७ चेंडूंत ७५ धावांची तुफानी खेळी करत सनथ जयसूर्यांच्या १४ षटकारांचा विक्रमाला मागे टाकला. या हंगामात अभिषेक यांनी एकूण १७ षटकार मारले असून, हे आशिया कप इतिहासातील सर्वोत्तम कामगिरी आहे.

अभिषेक शर्माची ही खेळी केवळ आकडेवारीपुरती मर्यादित नसून, त्यातून त्याची वाढती आक्रमकता आणि आत्मविश्वास दिसून येतो. बांगलादेशविरुद्धच्या बुधवारी (२४ सप्टेंबर) झालेल्या सामन्यात त्यांनी सुरुवातीला ९ चेंडूंत फक्त ९ धावा केल्या, पण त्यानंतर त्यांनी गती पकडली आणि २५ चेंडूंत अर्धशतक पूर्ण केले. या डावात त्यांनी ६ चौकार आणि ५ खणखणीत छक्के मारले. मात्र, १२ व्या षटकात भारताचा ११२ धावांवर असताना कर्णधार सूर्यकुमार यादव यांच्या चुकीच्या कॉलमुळे ते धावबाद झाला. अन्यथा, तो आज शतक पूर्ण करु शकला असता.

अभिषेक शर्माने मोडला जयसूर्याचा विक्रम –

For his aggressive half-century in the chase, Abhishek Sharma wins the Player of the Match 🔥#TeamIndia kickstart the #Super4 stage with a resounding win ✅

Scoreboard ▶️ https://t.co/CNzDX2HKll#AsiaCup2025 pic.twitter.com/GuKoAdAoGI

— BCCI (@BCCI) September 21, 2025

या हंगामात अभिषेकने पाकिस्तानविरुद्धच्या आधीच्या सामन्यातही ५ षटकार मारले होते, ज्यामुळे त्याचा एकूण आकडा १७ वर पोहोचला. यापूर्वी हा विक्रम श्रीलंकेचा दिग्गज सनथ जयसूर्याच्या नावावर होता, ज्याने २००८ च्या वनडे आशिया कपमध्ये १४ षटकार मारले होते. २०१८ मध्ये भारताचा कर्णधार रोहित शर्माने १३ षटकार मारले होते, तर २०१० मध्ये पाकिस्तानचा शाहिद आफ्रिदीने १२ षटकार मारले होते. अभिषेकने या सर्वांना मागे टाकत अव्वल स्थान मिळवले आहे.

हेही वाचा – IND vs BAN : अभिषेक शर्माने आशिया कपमध्ये रचला इतिहास, युवराज-रोहितला टाकले मागे!

अभिषेकची ही कामगिरी भारतीय संघाला सुपर फोरमधील विजयाकडे नेत असून, आशिया कपमधील त्यांची सातत्यपूर्ण खेळी संघाला अंतिम फेरीत नेऊ शकते. हे विक्रम तोडताना त्याने केवळ टी-२० फॉरमॅटमध्येच नव्हे, तर संपूर्ण आशिया कप इतिहासातील सर्व फॉरमॅट्सना मागे टाकले आहे.