India U-19 Vs Australia U-19 1st Unofficial Test :- दुखापतग्रस्त समित सोमवारी चेन्नई येथे सुरू झालेल्या भारताच्या अंडर-19 आणि ऑस्ट्रेलिया अंडर-19 संघांमधील पहिल्या चार दिवसीय (कसोटी) सामन्यातून बाहेर पडला आहे आणि दुसऱ्या सामन्यासाठीही तो तंदुरुस्त होण्याची शक्यता नाही. गुडघ्याच्या दुखापतीने त्रस्त असलेला समित सध्या राष्ट्रीय क्रिकेट अकादमीत (एनसीए) आहे.

गुडघ्याच्या दुखापतीमुळे भारताच्या 19 वर्षांखालील मुलांच्या संघात असणारा समित द्रविड (Samit Rahul Dravid) कांगारूविरुद्धच्या मालिकेतील दुसऱ्या सामन्यासही मुकण्याची शक्यता आहे. दरम्यान, समित दुखापतीतून बरा झाला असला तरी देखील त्याला युवा संघाच्या लढतीदरम्यान बाहेर बसावे लागले होते. तो पद्दुचेरी येथून झालेल्या युवा खेळाडूंच्या लढतीमधून पदार्पण करण्याची शक्यता होती, मात्र त्याला संधी मिळाली नाही. ही मालिका भारताने 3-0 अशी जिंकून ऑस्ट्रेलिया संघाला व्हाईट वॉश दिला होता.

या संदर्भात बोलताना मुख्य प्रशिक्षक असलेल्या हृषीकेश कानिटकर यांनी ईएसपीएनक्रिक इन्फोशी बोलताना सांगितले की, “तो सध्या एनसीएमध्ये आहे आणि गुडघ्याच्या दुखापतीतून सावरत आहे. आत्ता काही सांगू शकत नाही. त्याचे खेळणे कठीण आहे.

IND vs BAN 2nd Test (4th Day,Stumps ) : चौथ्या दिवशी 18 विकेट्स अन् 437 धावा, कानपूर कसोटी रोमांचक वळणावर….

पुरुष राष्ट्रीय संघाचे माजी प्रशिक्षक व क्रिकेटपटू राहुल द्रविड यांचा मुलगा असलेल्या समितसाठी, ऑस्ट्रेलिया संघाविरुद्धची मालिका ही 19 वर्षांखालील गटाची शेवटची मालिका असणार आहे. येत्या 11 ऑक्टोबर रोजी तो 19 वर्षाचा होणार असल्याने तो 2026 मध्ये आयसीसीच्या 19 वर्षांखालील विश्वकरंडक स्पर्धेसाठी भारताकडून खेळण्यास अपात्र होईल. भारत आणि ऑस्ट्रेलिया संघाच्या दुसऱ्या सामन्याला ७ ऑक्टोबरपासून चेन्नई येथील चेपॉक मैदानावर सुरुवात होणार आहे.