Pune Party Case : पुणे रेव्ह पार्टी प्रकरणात पोलिसांनी एकूण सात जणांना अटक केली आहे. मंगळवारी या प्रकरणाची सुनावणी पुणे जिल्हा सत्र न्यायालयात पार पडली. न्यायालयाने पाच पुरुष आरोपींना दोन दिवसांची पोलीस कोठडी तर दोन महिला आरोपींना १४ दिवसांची न्यायालयीन कोठडी सुनावली आहे. आता या प्रकरणातील दोन आरोपींची गुन्हेगारी पार्श्वभूमीवर समोर आली आहे. आरोपींची गुन्हेगारी पार्श्वभूमी समोर पार्टी प्रकरणात माजी मंत्री एकनाथ खडसे यांचे जावई डॅा. प्रांजल खेवलकर यांच्या संपर्कात काही दिवसांपर्वी श्रीपाद यादव आणि निखिल पोपटाणी हे दोघे आले. या दोघांचीही गुन्हेगारी पार्श्वभूमीवर असल्याची माहिती समोर आली आहे. श्रीपाद यादव याच्यावर या आधी बेटींग प्रकरणात गुन्हे दाखल असून त्याला अनेकदा अटकही झाली होती. निखिल पोपटाणी याचा सिगारेटचा व्यवसाय असून तो देखील बेटींगच्या दुनियेत बुकी या नावाने ओळखला जातो. या दोघांनी प्रांजल खेवलकरांसोबत त्यांच्या मित्रामार्फत ओळख वाढवली. शनिवारी झालेल्या पार्टीत हे दोघेही सहभागी झाले होते. श्रीपाद यादवच्या सांगण्यावरुन दोन महिला तिथे आल्या, त्यापैकी एकीच्या पर्समध्ये अंमली पदार्थ पोलिसांना साडपल्याचे समोर आले. खेवलकरांच्या वकिलांचा दावा काय? मंगळवारी या प्रकरणाची सुनावणी जिल्हा सत्र न्यायालय पुणे येथे पार पडली. ज्या महिलेकडे गांजा आणि कोकेन सापडलं आहे, त्याच महिलेला MCR देण्यात आली आहे. प्रांजल यांनी कुठलही ड्रग्स सेवन केलं नव्हतं. महिलेशी कुठल्याही प्रकारचे संबंध नाहीत, प्रांजल खेवलकर यांच्याकडे अंमली पदार्थ मिळून आलेला नाही. हे सगळं प्रकरण बनावट आहे, असा युक्तीवाद त्यांच्या वकिलांनी केला आहे. तसेच व्हिडीओ काढले गेले त्या संदर्भात पत्र देऊन उच्च न्यायालयात दाद मागितली आहे, असे अॅड विजयसिंह ठोंबरे यांनी सांगितले.
