वैशिष्ट्यपूर्ण ई-बाईक्‍स उपलब्ध; ग्राहकांचा उदंड प्रतिसाद

फलटण  – अधिराज मोटर्स या बॅटरीवर चालणाऱ्या दुचाकींच्या शोरुमचे उद्‌घाटन विजयादशमीला प्रसिद्ध बांधकाम व्यावसायिक प्रकाश (मामा) सोनवणे व त्यांच्या सुविद्य पत्नी सौ. शैलजा सोनवणे यांच्या हस्ते करण्यात आले. नव्याने सुरू करण्यात आलेल्या या व्यवसायाला ग्राहकांचा उदंड प्रतिसाद लाभत आहे.

ई-वाहनांच्या क्षेत्रात जगातील आघाडीची बाजारपेठ होण्याची क्षमता भारतात आहे. पारंपरिक इंधनावरचे अवलंबित्व कमी करणे व पर्यावरणपूरक ऊर्जेचा वापर करण्यासाठी भारत सरकारकडून ई-वाहनांच्या उत्पादनाला प्रोत्साहन दिले जात आहे. ई-वाहनांचे उत्पादन, पायाभूत सुविधांची उभारणी व पूरक सेवा देण्यात महाराष्ट्र, आंध्र प्रदेश, बिहार, दिल्ली, कर्नाटक, केरळ, तमिळनाडू, तेलंगण, उत्तराखंड व उत्तर प्रदेश ही राज्ये आघाडीवर आहेत. ई-वाहनांसाठी देशात भरीव गुंतवणूकही केली जात आहे.

भारतात सध्या ई-वाहनांचा वापर प्राथमिक स्थितीत आहे. पारंपरिक वाहनांच्या तुलनेत या वाहनांची किंमत अधिक होती. त्यामुळे सुरुवातीच्या टप्प्यात ही वाहने विक्रीमध्ये मागे होती. मात्र, सरकारचा पाठिंबा (अनुदान, सवलती), बॅटरीसह प्रमुख सुट्या भागांचे देशातच उत्पादन व संशोधन-विकास (आर अँड डी) यामुळे आता ई-वाहने फायदेशीर ठरत आहेत.

तुनवाल ई-व्हेईकल फलटणमध्ये दाखल झाली असून आपल्या सेवेसाठी आणि बचतीसाठी अधिराज मोटर्स घेऊन आले आहेत. पर्यावरणपूरक आणि आपल्या दैनंदिन खर्चात व इंधन खर्चात मोठी बचत करणारी ही बाईक आहे. या बाईकची वैशिष्ट्ये म्हणजे एक ते दोन युनिट विजेमध्ये, म्हणजे फक्त पाच रुपयांमध्ये 50 ते 100 किलोमीटर प्रवास करते. या बाईकला वाहनचालक परवान्याची आणि आरटीओ रजिस्ट्रेशन आवश्‍यक नाही. बाईकला सर्व्हिसिंगची जरुरी नाही. रिमोट कंट्रोलची सुविधा असल्याने बाईक चोरीला जाण्याची भीती नाही. ङिस्क ब्रेक, ट्युबलेस टायर, स्टायलिश लूक व विविध कलर्समध्ये या बाईक उपलब्ध आहेत.

या बाईकची दोनशे किलो वजन वाहण्याची क्षमता असून बाईकचा इन्शुरन्स उतरवला जाईल. अधिराज मोटर्स, शिक्षक बॅंकेसमोर, रविवार पेठ, सिमेंट रोड, फलटण, मोबाईल 7821908880 आणि 9960467110, अधिराज मोटर्स आणि अजित मोटर्स, शॉप नं. 1, हॉटेल साईकृपाशेजारी, एचणीएफसी बॅंकेशेजारी, शिरवळ, मोबाईल 9503895005 आणि 9423261236, येथे रोखीत व हप्त्यावर 12 मॉडेल्स उपलब्ध आहेत.

त्यासाठी पॅनकार्ड, आधारकार्ड, फोटो आवश्‍यक आहे. उद्‌घाटन समारंभास माजी नगराध्यक्ष दिलीपसिंह भोसले, बांधकाम समितीच्या सभापती सौ, मधुबाला भोसले, आरोग्य समितीचे सभापती अजय माळवे, माजी नगरसेविका सौ. उज्ज्वला शिंदे, बबनराव रणवरे, लायन्स क्‍लबचे अध्यक्ष अर्जुनराव घाडगे, खजिनदार प्रमोद जगताप, सचिव योगेश प्रभुणे, भोजराज नाईक निंबाळकर, अंकुशराव रणमोडे-पाटील, सिद्धार्थ कदम, बुवासाहेब जगदाळे, कैलास घाडगे, राजेंद्र सस्ते, निंबाळकर, कर्णे उपस्थित होते.