“भविष्यात जनता सीएए, एनआरसी, एनपीआरलादेखील नाकारेल…”
दिल्ली निकालाच्या पार्श्वभूमीवर ममता बॅनर्जींची प्रतिक्रिया
नवी दिल्ली : दिल्ली विधानसभा निवडणुकीत आम आदमी पक्षाला (आप) स्पष्ट बहुमत मिळण्याच्या दिशेने वाटचाल सुरू आहे. तर भारतीय जनता पक्षाचा पराभव झाला आहे. या निकालावर पश्चिम बंगालच्या मुख्यमंत्री आणि तृणमुल कॉंग्रेसच्या प्रमुख ममता बॅनर्जी यांनी भाष्य केले आहे. दिल्लीत भाजपाला नाकारले त्याप्रमाणे लोक सीएए, एनआरसी, एनपीआरला नाकारतील असेही त्यांनी म्हटले आहे.
West Bengal Chief Minister Mamata Banerjee on #DelhiElectionResults: I have congratulated Arvind Kejriwal. People have rejected BJP. Only development will work, CAA, NRC and NPR will be rejected pic.twitter.com/VgpX9TmoLs
— ANI (@ANI) February 11, 2020
दिल्लीच्या निवडणूक निकालावर प्रतिक्रिया देताना बॅनर्जी यांनी सीएए, एनआरसी आणि एनपीआरचा मुद्दादेखील उपस्थित केला. यावेळी बोलताना, दिल्लीच्या विजयासाठी अरविंद केजरीवाल यांचे मी अभिनंदन केले. दिल्लीच्या जनतेने भाजपाला नाकारले आहे. आता इथे केवळ विकासच काम करेल. जनता आता सीएए, एनआरसी आणि एनपीआरला देखील नाकारतील.
दिल्लीत मोठा विजय मिळाल्यानंतर मुख्यमंत्री आणि आपचे प्रमुख अरविंद केजरीवाल यांचे देशातील अनेक बड्या नेत्यांनी अभिनंदन केले आहे. ममता बॅनर्जी यांच्याबरोबर राजकीय रणनीतीकार आणि नुकतेच जेडीयूतून हाकालपट्टी करण्यात आलेले प्रशांत किशोर यांनी देखील अभिनंदन केले आहे.
