Imran Khan: पाकिस्तानच्या सर्वोच्च न्यायालयाने तुरुंगात असलेले माजी पंतप्रधान आणि पीटीआयचे संस्थापक इम्रान खान यांना वैद्यकीय तपासणीसाठी इस्लामाबादच्या शिफा इंटरनॅशनल हॉस्पिटलमध्ये हलवण्याचे आदेश दिले आहेत. न्यायालयाने इम्रान खान यांना तुरुंगात त्यांच्या कुटुंबीयांना साप्ताहिक भेटण्याची परवानगी देण्याचेही आदेश दिले आहेत.

न्यायमूर्ती शाहिद वाहिद यांच्या अध्यक्षतेखालील तीन न्यायाधीशांच्या खंडपीठाने मंगळवारी इम्रान खान यांच्या प्रकृती आणि रुग्णालयात दाखल करण्यासंदर्भातील याचिकेवर सविस्तर सुनावणी घेतली.

न्यायालयाने संबंधित अधिकाऱ्यांना माजी पंतप्रधानांना वैद्यकीय तपासणीसाठी इस्लामाबादच्या शिफा हॉस्पिटलमध्ये हलवण्याचे निर्देश दिले. खंडपीठाचे सदस्य न्यायमूर्ती नईम अख्तर अफगाण आणि न्यायमूर्ती इश्तियाक इब्राहिम यांच्या संमतीने, सर्वोच्च न्यायालयाने संबंधित अधिकाऱ्यांना ही प्रक्रिया पूर्ण करण्याचे आदेश दिले. Imran Khan: 

न्यायालयाच्या आदेशानुसार, इम्रान खान यांना काही दिवसांतच वैद्यकीय तपासणीसाठी इस्लामाबादच्या शिफा इंटरनॅशनल हॉस्पिटलमध्ये नेण्यात येईल. इतकेच नाही, तर सर्वोच्च न्यायालयाने स्पष्टपणे आदेश दिला आहे की इम्रान खान यांच्या कुटुंबीयांना दर आठवड्याला त्यांना भेटण्याची व्यवस्था केली पाहिजे.

दरम्यान, रावळपिंडी येथील अदियाला तुरुंगातील अधिकाऱ्यांनी सोमवारी पाकिस्तानी सर्वोच्च न्यायालयाला माहिती दिली की, इम्रान खान यांची दृष्टी आता पूर्ववत झाली आहे. तुरुंग प्रशासनाने न्यायालयाला कळवले की, इम्रान खान यांच्या दृष्टीमध्ये लक्षणीय सुधारणा झाली आहे. हा अहवाल यावेळी न्यायालयाला सादर करण्यात आला. Imran Khan: