नवी दिल्ली – दहशतवादाच्या गंभीर धोक्यांमुळे जिला आपल्या देशातून (पाकिस्तान) पळून जावे लागले, ती मलाला युसूफझाई मी नाही. जम्मू-काश्मीर हा भारताचा भाग आहे आणि तिथे आपण पूर्णपणे सुरक्षित आणि मुक्त आहोत. केंद्रशासित प्रदेशातील लोकांमध्ये फूट पाडणे थांबवावे, असे आवाहन काश्मिरी कार्यकर्त्या याना मीर यांनी केले आहे.

ब्रिटीश संसदेने आयोजित केलेल्या ‘रिझोल्यूशन डे’मध्ये बोलताना भारताची प्रतिमा डागाळल्याबद्दल मीर यांनी पाकिस्तानी प्रचार यंत्रणेचा तीव्र निषेध केला.
आंतरराष्ट्रीय माध्यमांना लक्ष्य करताना याना मीर म्हणाल्या की, दहशतवादी शक्तींविरुद्ध भारत नेहमीच मजबूत आणि एकजूट राहील.

मी मलाला नाही. मी माझ्या भारतात मुक्त आणि सुरक्षित आहे. माझी मातृभूमी काश्मीर भारताचा भाग आहे. मला कधीही पळून जाऊन तुमच्या देशात आश्रय घेण्याची गरज भासणार नाही.

मीर म्हणाले, मलालाच्या वक्तव्यावर माझा आक्षेप आहे कारण ती मलाला पीडित ठरवून माझ्या पुरोगामी मातृभूमीची बदनामी करत आहे. सोशल मीडिया आणि आंतरराष्ट्रीय मीडियाच्या अशा सर्व टूलकिट सदस्यांना माझा आक्षेप आहे ज्यांनी कधीही भारतीय काश्मीरला भेट देण्याची तसदी घेतली नाही. पण, तिथल्या दडपशाहीबद्दल लोक वेगवेगळ्या प्रकारच्या कथा रचतात.