मुंबई – आपले वडीलधारे आपल्याला नेहमी शिकवतात की कोणीही कोणाशी खोटे बोलू नये. विशेषत: जेव्हा तुमच्या जोडीदाराचा प्रश्न येतो तेव्हा त्यांच्यासोबत जास्तीत जास्त प्रामाणिकपणा दाखवला पाहिजे. कारण तुम्हाला तुमचे संपूर्ण आयुष्य तुमच्या जोडीदारासोबत घालवायचे आहे. काही वर्षे खोटं बोलून चालू शकतं, परंतु संपूर्ण आयुष्य नाही.

पण, खूप जास्त सत्य बोलल्यानेही लोकांचे नाते बिघडते असे अनेकवेळा दिसून आले आहे. त्यामुळे जर तुम्ही कधी कधी खोटे बोलत असाल तर त्यात काही गैर नाही. मात्र, आपली चूक लपवण्यासाठी खोटे बोलू नये, हे लक्षात ठेवा.

या पार्श्वभूमीवर आम्ही तुम्हाला हे सांगत आहोत. कारण अशा अनेक खोट्या गोष्टी आहेत ज्यामुळे तुमचे नाते अधिक घट्ट होऊ शकते. कधीकधी तुमचे एक खोटे तुमच्या जोडीदाराच्या भावना दुखावण्यापासून वाचवते. हे खोटे कसे असावेत, चला जाणून घेऊया.

* नेहमी भेटवस्तूची प्रशंसा करा
जर तुमच्या जोडीदाराने तुम्हाला एखादी भेटवस्तू दिली असेल तर त्याचे कौतुक करा. मात्र, तुम्हाला ती भेट अजिबात आवडली नसेल, तरीही समोरच्या व्यक्तीच्या भावनांची कदर करा आणि त्याची स्तुती करा आणि म्हणा की ही तुमच्या आयुष्यातील सर्वात गोड भेट आहे.

* मनोबल वाढवा
‘यार, तू सर्वकाही व्यवस्थित हाताळतोस!’ केवळ ही ओळ तुमच्या जोडीदाराचे मनोबल वाढवू शकते. एखादी व्यक्ती घर आणि ऑफिसची जबाबदारी सांभाळते. काहीवेळा जास्त कामामुळे ते त्यांचे सर्वोत्तम देऊ शकत नाहीत. त्यामुळे अशा स्थितीत तुम्ही खोटे बोलून थोडी स्तुती केली तर समोरच्या व्यक्तीला बरे वाटेल.

* अन्नाची प्रशंसा करा
जर तुमच्या जोडीदाराने तुमच्यासाठी प्रेमाने काही बनवले असेल तर त्यांच्या प्रयत्नांकडे लक्ष द्या. अन्नात काही कमतरता असू शकते. पण जर तुम्ही त्या उणीवाकडे दुर्लक्ष करून जेवणाची स्तुती केली तर तुमच्या जोडीदाराला ते आवडेल.

* लूकची प्रशंसा करा
जर तुमच्या पार्टनरने नवीन लूक कॅरी केला असेल आणि तुम्हाला ते आवडत नसले तरी त्यांची चेष्टा करू नका. त्याची स्तुती करा. नंतर नंतर हळू हळू प्रेमाने आपले म्हणणे समोर ठेवले तरी चालेल.

* मला तुझी आठवण येते म्हणा
असे अजिबात शक्य नाही की तुम्ही तुमच्या जोडीदाराला सतत मिस करत असाल. पण, मधेच तुमच्या जोडीदाराला ‘मला तुझी आठवण येते’ असे म्हणाल तर त्यांना तुमचे प्रेम जाणवेल. असे केल्याने अनेक वेळा मोठे वादही मिटतात.