Amrita Khanwilkar : सध्या बिग बॅासच्या सहाव्या सीझनची जोरदार चर्चा आहे. शो सुरू होऊन पाच आठवडे पूर्ण झाले आहेत. घरातील स्पर्धकांमध्ये होत असलेली तू तू में में यामुळे एक प्रकारची रंगत पाहायला मिळत आहे. खरंतर बिग बॅासच्या घरात सहभागी होण्याची कलाकारापासून ते इन्फ्ल्युएंसरपर्यंत अनेकांची इच्छा असते. आता एका मुलाखतीत मराठीमोळी अभिनेत्री अमृता खानविलकर हिने देखील बिग बॅासच्या घरात सहभागी होण्याची इच्छा व्यक्त केली आहे. नुकत्याच दिलेल्या एका मुलाखतीत अमृताला बिग बॅासच्या घरात स्पर्धक म्हणून सहभागी होण्याबद्दल प्रश्न विचारण्यात आला होता. यावर उत्तर देताना अमृताने बिग बॅासच्या घरात जाण्याची इच्छा व्यक्त केली. ती म्हणाली, ‘मी माझ्या कारकिर्दीत आतापर्यंत अनेक शो केले आहेत. बऱ्याच कार्यक्रमांमध्ये सहभाग घेतला आहे. मला माझ्या कुटुंबाने फक्त या शोमध्ये जाण्यास नकार दिला आहे. त्यांना असं वाटतं की, मी जर बिग बॉसच्या घरात गेले तर, मी कुणाला तरी मारेन किंवा मार खाऊन येईन. मी कुणाकडून मार खाऊन घेणार नाही, हे मात्र तितकंच खरं आहे’, असं अभिनेत्री म्हणाली. काही गोष्टी पडद्यामागेच चांगल्या वाटतात. या गोष्टी मला करायचे नाही, असे अभिनेत्रीने स्पष्ट केले आहे. त्यामुळे बिग बॅासच्या आगामी सातव्या सीझनमध्ये अमृता स्पर्धेक म्हणून सहभागी होणार का? हे उत्सुकतेचे ठरेल. अभिनेत्री अमृता खानविलकर हिने तिच्या नृत्याच्या जोरावर प्रसिद्ध मिळवली. अनेक चित्रपटांमध्ये केलेल्या प्रत्येक भूमिकेला तिने न्याय देण्याचा प्रयत्न केला. मराठीसह तिने हिंदी चित्रपटात देखील चमकदार कामगिरी केली. तिचा चाहतावर्ग मोठा असून, तो नेहमी तिच्या आगामी कलाकृतीची वाट पाहत असतो. अमृता ‘तस्करी’ या वेबसिरीजमुळे प्रचंड चर्चेत आहे. या वेबसिरीजमध्ये ती मुख्य भूमिकेत आहे. ही वेबसिरीज नेटफ्लिक्सवर असून, या वेबसिरीजला प्रेक्षकांकडून उत्स्फुर्त प्रतिसाद मिळत आहे. आगामी काळत अमृता काही चित्रपट आणि वेबसिरीजमधून प्रेक्षकांच्या भेटीला येणार असल्याची चर्चा आहे. हेही वाचा : Mamata Banerjee: ‘तपासात अडथळा निर्माण केला…’ ममता बॅनर्जींसाठी डीजीपींकडून शिष्टाचाराचे उल्लंघन ; ईडीचा सर्वोच्च न्यायालयात मोठा आरोप.
