IBPS Clerk Recruitment 2026: बँकिंग क्षेत्रात करिअर करण्याची इच्छा असलेल्या तरुणांसाठी मोठी संधी उपलब्ध झाली आहे. इन्स्टिट्यूट ऑफ बँकिंग पर्सोनेल सिलेक्शन (IBPS) ने IBPS Clerk Recruitment 2026 (CRP CSA-XVI) अंतर्गत देशातील 11 सार्वजनिक क्षेत्रातील बँकांमध्ये 11,403 क्लर्क पदांसाठी भरती प्रक्रिया सुरू केली आहे.

या भरतीसाठी ऑनलाइन अर्ज प्रक्रिया 1 ऑगस्ट 2026 पासून सुरू झाली असून 21 ऑगस्ट 2026 ही अर्ज करण्याची अंतिम तारीख आहे. इच्छुक आणि पात्र उमेदवारांनी अंतिम तारखेपूर्वी अधिकृत संकेतस्थळावर ऑनलाइन अर्ज करावा.

निवड प्रक्रिया कशी असेल?

IBPS क्लर्क भरतीसाठी उमेदवारांची निवड तीन टप्प्यांत केली जाणार आहे. प्राथमिक (Preliminary) परीक्षा, मुख्य (Main) परीक्षा, स्थानिक भाषा प्रावीण्य चाचणी (Local Language Proficiency Test) असे टप्पे असतील.

महत्त्वाच्या परीक्षा तारखा –

प्राथमिक परीक्षा : 10 आणि 11 ऑक्टोबर 2026
मुख्य परीक्षा : 27 डिसेंबर 2026

शैक्षणिक पात्रता –

या भरतीसाठी अर्ज करणाऱ्या उमेदवारांकडे मान्यताप्राप्त विद्यापीठाची कोणत्याही शाखेतील पदवी असणे आवश्यक आहे.

वयोमर्यादा –

अर्जदाराचे वय 20 ते 28 वर्षांदरम्यान असावे. आरक्षणानुसार वयोमर्यादेत लागू असलेली सवलत संबंधित नियमांनुसार दिली जाईल.

अर्ज कसा कराल?

अर्ज करण्यासाठी पुढील प्रक्रिया पूर्ण करावी.

-IBPS च्या अधिकृत संकेतस्थळाला भेट द्या.
-CRP CSA-XVI नोंदणी लिंकवर क्लिक करा.
-वैध ई-मेल आयडी आणि मोबाईल क्रमांक नोंदवा.
-अर्जातील आवश्यक माहिती भरा.
-आवश्यक कागदपत्रे अपलोड करा.
-ऑनलाइन अर्ज शुल्क भरून अर्ज सादर करा.
-भविष्यातील संदर्भासाठी अर्जाची पुष्टी (Confirmation Page) डाउनलोड करून जतन करा.

अर्ज शुल्क

-सामान्य, OBC व इतर प्रवर्ग: ₹850
-SC, ST आणि PwD: ₹175

भरती प्रक्रियेत सहभागी असलेल्या 11 बँका

-बँक ऑफ इंडिया
-सेंट्रल बँक ऑफ इंडिया
-पंजाब नॅशनल बँक
-युनियन बँक ऑफ इंडिया
-बँक ऑफ महाराष्ट्र
-इंडियन बँक
-पंजाब अँड सिंध बँक
-बँक ऑफ बडोदा
-कॅनरा बँक
-इंडियन ओव्हरसीज बँक
-यूको बँक
-अधिक माहितीसाठी

भरतीसंदर्भातील पदनिहाय रिक्त जागा, पात्रता, आरक्षण, परीक्षा पद्धत आणि इतर सर्व तपशील अधिकृत अधिसूचनेत उपलब्ध आहेत. उमेदवारांनी अर्ज करण्यापूर्वी अधिकृत अधिसूचना काळजीपूर्वक वाचावी.