IAF Aircraft Crash: आसाममधील जोरहाट हवाई तळावर भारतीय हवाई दलाचे (IAF) एक AN-32 विमान कोसळले असल्याची धक्कादायक बातमी समोर आली आहे. प्राथमिक माहितीनुसार, विमान उतरल्यानंतर त्याला आग लागली. ही घटना जोरहाट हवाई तळाच्या परिसरात घडली.

हवाई तळावरील अग्निशमन दल आणि आपत्कालीन पथकांनी घटनास्थळी धाव घेऊन आग विझवली. अपघाताचे कारण सध्या अज्ञात आहे. प्राथमिक माहितीनुसार, विमान धावपट्टीवर उतरण्यात अयशस्वी ठरले.

समोर आलेल्या माहितीनुसार, विमान नियमित उड्डाणावर होते. जोरहाट हवाई तळावर उतरताना विमानात स्फोट होऊन आग लागली. विमानाचे दोन तुकडे झाले. विमानातील कर्मचारी आणि इतर हवाई दलाच्या जवानांच्या प्रकृतीबाबत अधिकृत माहितीची प्रतीक्षा आहे.  (IAF Aircraft Crash)

भारतीय हवाई दलाने या घटनेची चौकशी सुरू केली आहे. भारतीय हवाई दलाने एका निवेदनात,”जोरहाटमध्ये एक AN-32 विमान कोसळले आहे. अधिक माहिती मिळताच पुढील अपडेट्स दिले जातील” असे म्हटले आहे.

AN-32 हे भारतीय हवाई दलाच्या विश्वासार्ह मालवाहू विमानांपैकी एक    (IAF Aircraft Crash)

भारतीय हवाई दलाचे अँटोनोव्ह एएन-३२ हे एक मालवाहू विमान आहे, जे मूळतः सोव्हिएत युनियनच्या अँटोनोव्ह डिझाइन ब्युरोने विकसित केले होते. हे विमान एएन-२६ ची सुधारित आवृत्ती असून, ते विशेषतः जास्त उंची, उष्ण हवामान आणि खडतर परिस्थितीत कार्य करण्यासाठी तयार केले आहे. भारतीय हवाई दलाने १९८० च्या दशकापासून एएन-३२ ला आपल्या मालवाहू विमानांच्या ताफ्याचा एक महत्त्वाचा घटक बनवले आहे.

असम के जोरहाट में IAF का AN-32 एयरक्राफ्ट क्रैश हो गया है. इसका वीडियो सामने आया है.#IAFPlanecrash #IAF #planecrash #assamplanecrash pic.twitter.com/1mywX8b0uv

— Rishi Kant (@rishika60597768) June 13, 2026

भारतीय हवाई दल एएन-३२ चा वापर सैन्य, शस्त्रे, लष्करी उपकरणे आणि मदत सामग्रीच्या वाहतुकीसाठी करते. हे विमान हिमालयीन प्रदेश, ईशान्येकडील राज्ये आणि सीमावर्ती भागांमध्ये लॉजिस्टिक्स पुरवठ्याचा कणा मानले जाते.   (IAF Aircraft Crash)

लहान धावपट्टीवर उड्डाण आणि लँडिंग करण्याची क्षमता हा त्याचा सर्वात मोठा फायदा आहे. हे विमान ६.७ टनांपर्यंत भार वाहून नेऊ शकते आणि एका वेळी ४० पेक्षा जास्त सैनिकांना घेऊन जाऊ शकते.

भारतीय हवाई दलाने आतापर्यंत १०० हून अधिक एएन-३२ विमाने चालवली आहेत. आधुनिक एव्हियोनिक्स, नेव्हिगेशन आणि सुरक्षा प्रणालींच्या समावेशासह, वेळोवेळी ती अद्ययावत करण्यात आली आहेत.

मात्र, त्यांच्या दीर्घ सेवाकाळामुळे, नवीन वाहतूक विमानांच्या साहाय्याने ही विमाने टप्प्याटप्प्याने सेवेतून काढून टाकण्याची योजना आखली जात आहे. असे असूनही, एएन-३२ हे भारतीय हवाई दलाच्या सर्वात विश्वासार्ह वाहतूक विमानांपैकी एक आहे आणि आपत्ती निवारण, लष्करी कारवाया व मानवतावादी मदत मोहिमांमध्ये महत्त्वपूर्ण भूमिका बजावते.