Chhatrapati Sambhajinagar | आगामी महापालिका निवडणुकांसाठी विविध राजकीय पक्षांनी उमेदवारी जाहीर केली आहे. महत्त्वाचे म्हणजे उमेदवार यादी जाहीर न करता निवड झालेल्या उमेदवारांना परस्पर एबी फॉर्मचे वाटप करण्यात आले आहे. उमेदवारी अर्ज मिळाल्याने अनेक इच्छुकांचा पत्ता कट झाला आहे. यावरून आज मंत्री आणि भाजपाचे नेते अतुल सावे यांच्या कार्यालयाबाहेर नाराज पदाधिकाऱ्यांनी राडा केला. प्रभाग २० मधील इच्छूक उमेदवार दिव्या उल्हास मराठे यांनी तिकीट नाकारल्याने आज भाजपच्या प्रचार कार्यालयात नेत्यांना अक्षरशः धारेवर धरले. “१८ वर्षे पक्षाचे काम केले, १८ केसेस अंगावर घेतल्या, पण आज १५ दिवसांपूर्वी आलेल्यांना तिकीट दिले जातयं,” असा संताप व्यक्त करत दिव्या मराठे यांनी भाजपच्या स्थानिक नेतृत्वावर हल्लाबोल केला. Chhatrapati Sambhajinagar | नेत्यांच्या बायका एसीमध्ये आणि कार्यकर्त्या महिलांनी रस्त्यावर उतरून संघर्ष करायचा का? “जेव्हा पक्ष कठीण काळात होता, तेव्हा माझी मुले लहान असतानाही मी घरादाराचा विचार न करता पक्षाचे काम केले. आज पक्ष एक नंबरवर आल्यावर आम्हा जुन्या कार्यकर्त्यांना डावलले जात आहे. गेल्यावेळी माझा एबी फॉर्म पळवला होता आणि आता मला डावलण्यात आलं, मी कुठे चुकली ते तरी सांगा, नेत्यांच्या बायका एसीमध्ये बसतात आणि कार्यकर्त्या महिलांनी मात्र रस्त्यावर उतरून संघर्ष करायचा का?” असंही दिव्या मराठे म्हणाल्या. आमरण उपोषणाला बसण्याचा इशारा “मी रडणार नाही, तर या अन्यायाविरोधात लढणार आहे. मी अपक्ष उमेदवारी अर्ज भरणार असून थेट पक्ष कार्यालयातच आमरण उपोषणाला बसणार आहे,” असा इशाराही त्यांनी दिला. दरम्यान, दिव्या मराठे यांच्या सारखेच अनेक निष्ठावान कार्यकर्ते तिकीट नाकरल्याने नाराज होऊन भाजपाच्या प्रचार कार्यालयात येत आहेत. अनेकजण यावेळी आपला रोष व्यक्त करत आहे. यावरून आता जुन्या कार्यकर्त्यांचा रोष पक्षाने ओढवून घेतल्याचे चित्र दिसत आहे. Chhatrapati Sambhajinagar | हेही वाचा : Twinkle Khanna Birthday: ट्विंकल खन्नाने अक्षय कुमारला मारली लाथ; वाढदिवसानिमित्त अक्षयने दिल्या पत्नीला मजेशीर शुभेच्छा
