Vidyanand Bapat : गणेशोत्सवातील डीजेच्या वापराविरोधात भूमिका घेतल्यामुळे चर्चेत आलेले विद्यानंद बापट यांना पुण्यातील टिळक रोडवरील कशाळे चौकात बेदम मारहाण करण्यात आल्याची घटना समोर आली आहे. एका वृत्तवाहिनीला मुलाखत देत असताना विद्यानंद बापट यांना एका तरूणाकडून मारहाण करण्यात आली.

या मारहाण करणाऱ्या व्यक्तीची माहिती आता समोर आली आहे. या व्यक्तीचे नाव संतोष चव्हाण असून तो पुण्यातील कोथरूड परिसरातील राऊतवाडी येथील रहिवासी असल्याचे सांगितले जात आहे.

तो एका बांधकाम व्यावसायिकाकडे कामाला असल्याचीही माहिती आहे राऊतवाडी येथील प्रियदर्शनी गणेश मंडळाचा तो माजी अध्यक्ष असल्याचेही सांगितले जात आहे.

या सगळ्या घटनेनंतर संतोष चव्हाण याने म्हंटले की, “तो टीका करतो, त्याला आणखी मारायला पाहिजे. त्याला सुट्टी देणार नाही, त्याला आणखी मारणार आहे. मला काही भूमिका मांडायची नाही. पुणे शहरातील गणेशोत्सवाबाबत जो बोलेल, त्याच्या अशाच कानाखाली मी मारणार.”

आरोपीला ताब्यात घेतले; कठोर कारवाई करणार  (Vidyanand Bapat)

“विद्यानंद बापट यांना मारहाण केल्याप्रकरणी संबंधित आरोपीला पोलिसांनी ताब्यात घेतले आहे. या प्रकरणात कायद्यानुसार अत्यंत कठोर कारवाई करण्यात येईल. अशा प्रकारचे कृत्य कोणत्याही परिस्थितीत सहन केले जाणार नाही. कायदा हातात घेणाऱ्यांविरुद्ध पुणे पोलिसांकडून कठोर भूमिका घेतली जाईल.”-  पुणे पोलीस आयुक्त अमितेश कुमार.

हेही वाचा: 

CJI-NALSAR Dispute: सर्वोच्च न्यायालयाकडून BCI चा ‘तो’ निर्णय रद्द ; विद्यार्थ्यांच्या निषेधाच्या अधिकारावर शिक्कामोर्तब