Sunetra Pawar : राज्याच्या उपमुख्यमंत्री आणि बीड जिल्ह्याच्या पालकमंत्री सुनेत्रा पवारांच्या हस्ते बीड येथे ध्वजारोहण करण्यात आले. यानंतर झालेल्या कार्यक्रमात बोलताना दिवंगत उपमुख्यमंत्री अजित पवारांची आठवण काढताना सुनेत्रा पवारांनी एक मोठं वक्तव्य केले आहे.

राज्याचे दादा अशी ख्याती असलेले सर्वांचे लाडके अजित पवार यांचे विमान अपघातात निधन झाल्यानंतर त्यांच्या पत्नी सुनेत्रा पवार यांच्यावर राष्ट्रवादी काँग्रेस पक्षाची जबाबदारी आली. त्या पक्षाच्या राष्ट्रीय अध्यक्षा झाल्या. याशिवाय बीड जिल्ह्याचे पालकत्वही त्यांनी स्विकारले.

आज १५ अॅागस्ट स्वातंत्र्य दिनाच्या निमित्ताने त्यांच्या हस्ते बीडमध्ये ध्वजारोहण करण्यात आले. यावेळी त्यांनी अजित पवारांची आठवण काढत “दादांनी पालकमंत्री पदाची जबाबदारी स्वीकारली, त्यावेळी बीडच्या विकासाची अनेक स्वप्नं त्यांच्या मनात होती. ही स्वप्नं आता थांबवायची नाहीत, तर ती पूर्णत्वास न्यायची आहेत, असे मोठं वक्तव्य केले.

त्या म्हणाल्या “बीडचं बारामती केल्याशिवाय राहणार नाही,” असं दादांनी यापूर्वी म्हटलं होतं. तुमची साथ आणि सहकार्य राहिलं, तर हे स्वप्न निश्चितपणे पूर्ण करू, असा विश्वास सुनेत्रा पवार यांंनी यावेळी बोलताना व्यक्त केला.

त्यांच्या हस्ते येथील कंकालेश्वर मंदिर परिसरातील विकासकामांचे भूमिपूजन करण्यात आले. तसेच त्यांनी बीड जिल्हा रुग्णालयात अत्याधुनिक कार्डियाक रुग्णवाहिकेचे (Cardiac Ambulance) लोकार्पण केले. या कार्यक्रमात त्या बोलत होत्या.

दरम्यान, संपूर्ण इमारतीची पाहणी केली असून याठिकाणी अतिशय सुंदर काम झालं असल्याचे त्यांनी सांगितले. केवळ घोषणा करून प्रशासन चालत नाही तर प्रत्यक्ष काम करून दाखवावे लागते, हे दादांनी आम्हाला शिकवलंय. त्याच पावलावर पाऊल ठेवून विकासकामे पुढे नेण्याचा आमचा प्रयत्न असल्याचे सुनेत्रा पवार यांनी आवर्जून सांगितले.

पुढील पिढीचं भविष्य घडवण्याचा आमचा प्रयत्न आहे : सुनेत्रा पवार

“ज्या आई-वडिलांच्या हातात आयुष्यभर कोयता राहिला, त्यांच्या मुलांच्या हातात पेन आणि वही यावी, यासाठी आम्ही प्रयत्न करत आहोत. बीड जिल्ह्याच्या विकासासाठी महाराष्ट्र सरकार सातत्याने काम करत असून, शिक्षण आणि विकासाच्या माध्यमातून पुढील पिढीचं भविष्य घडवण्याचा आमचा प्रयत्न आहे.” असा विश्वास सुनेत्रा पवारांनी व्यक्त केला.

Maharashtra Lavani : लावणीच्या नावाखाली सुरू असलेल्या डान्सला बसणार लगाम; राज्य सरकारचा महत्त्वाचा निर्णय