Pooja Sawant : सध्याच्या धकाधकीच्या जीवनात अनेक जोडप्यांना लाँग डिस्टन्स रिलेशनशिपमध्ये संसार सांभाळावा लागत आहे. हे करणं खूप कठीण आहे. मराठीतील आघाडीची अभिनेत्री पूजा सावंत (Pooja Sawant) हिने याविषयी तिचा अनुभव शेअर केला आहे. सध्या पूजा सावंत (Pooja Sawant) सालबर्डी या सिनेमामुळे चर्चेत आहे. नुकतीच तिने एका वाहिनीला मुलाखत दिली. या मुलाखतीत तिने तिच्या खासगी आयुष्यावर विचारलेल्या प्रश्नांवर उत्तरं दिली. पूजा सावंतच्या नवऱ्याचे नाव सिद्धेश चव्हाण असून फेब्रुवारी 2024 मध्ये दोघेही लग्नबंधनात अडकले. पूजा आणि सिद्धेश यांचं अरेंज मॅरेज आहे. पूजा लग्न झाल्यानंतर अॅास्ट्रेलियाला शिफ्ट झाली होती. सध्या ती महाराष्ट्रात आहे. (Pooja Sawant) दरम्यानच्या काळात आपल्या वैयक्तिक आयुष्यातील अनुभव मांडत, या प्रवासातील आव्हाने आणि त्यावर केलेली मात याबद्दल पूजाने मनमोकळीपणाने गप्पा मारल्या. पूजा सावंतने केला खुलासा Pooja Sawant पूजाला कसा चाललाय संसार असा प्रश्न विचारण्यात आला. या प्रश्नाचे उत्तर देताना पूजा म्हणाली. त्यांचा संसार हा टिपिकल पद्धतीचा नाही. तिचा नवरा ऑस्ट्रेलियामध्ये नोकरी करत असल्याने दोघेही वेगवेगळ्या देशांत राहतात. ती वेळ मिळेल तेव्हा ऑस्ट्रेलियाला नवऱ्याला जाऊन भेटते, असा खुलासा तिने केला. (Pooja Sawant) तिने स्पष्ट केले की, अशा प्रकारचा संसार सांभाळणे सोपे नाही. पतीच्या प्रोफेशनमुळे त्याला फारशा सुट्ट्या मिळत नाहीत, त्यामुळे प्रवास करणे त्याच्यासाठी कठीण ठरते. मात्र, स्वतःच्या कामाच्या स्वरूपामुळे तिला काही प्रमाणात सुट्ट्या मिळू शकतात, त्यामुळे तिचे येणं-जाणं अधिक असते. (Pooja Sawant) सुरुवातीच्या काळात तिने संसाराला वेळ देण्याचा प्रयत्न केला. अनेकांच्या सल्ल्यानुसार तिने स्वतः निर्णय घेत वेळ दिला, मात्र काही महिन्यांनंतर तिला पुन्हा स्वतःच्या कामाची आणि इथल्या जबाबदाऱ्यांची सांगड घालावी लागली. पहिलं वर्ष तिच्यासाठी आणि तिच्या पतीसाठी अत्यंत कठीण गेल्याचे तिने सांगितले. मात्र, कालांतराने दोघांनीही परिस्थितीशी जुळवून घेत ‘सुवर्णमध्य’ गाठला. सध्या पूजा सावंत सालबर्डी या सिनेमाद्वारे मोठ्या पडद्यावर परतली असून, या सिनेमाचे मोठं कुतहल चाहत्यांमध्ये आहे. या सिनेमात पूजा सावंत एका महिला पोलिस अधिकाऱ्याच्या भूमिकेत दिसणार आहे. 17 एप्रिलपासून सालबर्डी हा सिनेमा सिनेमागृहात प्रदर्शित होणार आहे. Pooja Sawant हेही वाचा : Newasa News : वकील संघाच्या अध्यक्षपदी अॅड संभाजी काळे; उपाध्यक्षपदी अॅड. राजू इनामदार यांची निवड