Delhi CM Atishi Crowd Funding for Election |  सध्या दिल्ली विधानसभा निवडणुकीसाठी जोरदार तयारी सुरु आहे. अशातच दिल्लीच्या मुख्यमंत्री आतिशी मर्लेना यांनी रविवारी त्यांच्या आगामी निवडणुकीसाठी क्राउडफंडिंग मोहीम सुरू केली. त्यात आम आदमी पक्षाच्या अनोख्या आणि पारदर्शक निधी धोरणावर प्रकाश टाकण्यात आला.

आतिशी यांनी निवडणुकीच्या तारखा जाहीर झाल्यानंतर आता प्रचारासाठी पैसा हवा आहे, असे आवाहन मतदारांना केले आहे. निवडणुकीमध्ये अनेक उमेदवार मतदारांना आकर्षित करण्यासाठी पैसे किंवा इतर वस्तू वाटतात, असा अनेकदा आरोप होतो. पण मुख्यमंत्रिपदावर असलेल्या आतिशी यांनी लोकांकडून 100 रुपयांपासून 1000 रुपयांपर्यंत मदत देण्याचे आवाहन केले आहे. Delhi CM Atishi Crowd Funding for Election |

आतिशी यांनी ‘आप’च्या सुरुवातीच्या काळाची आठवण करून दिली, जेव्हा लोकांच्या छोट्या देणग्यांमुळे पक्षाचा राजकारणाकडे प्रामाणिक दृष्टिकोन टिकून राहण्यास मदत झाली. यामुळेच ‘आप’ इतर पक्षांपेक्षा वेगळे ठरले, जे कॉर्पोरेट देणग्यांवर अवलंबून होते आणि अनेकदा व्यावसायिक हितसंबंधांना प्राधान्य देत होते. Delhi CM Atishi Crowd Funding for Election |

Over the past 5 years, you’ve stood by me as an MLA, a minister, and now as the Chief Minister of Delhi. None of this would have been possible without your blessings and support.

As a young, educated woman, your belief and donations have enabled me to imagine a career in… pic.twitter.com/WbsdqNCGhh

— Atishi (@AtishiAAP) January 12, 2025

पत्रकार परिषदेत बोलताना मुख्यमंत्री आतिशी यांनी ‘आप’च्या सुरुवातीच्या दिवसांची आठवण करून दिली आणि सांगितले की, २०१३ मध्ये जेव्हा आम्ही पहिल्यांदा निवडणूक लढवली तेव्हा आम्ही घरोघरी जाऊन लोकांकडून लहान-मोठ्या देणग्या मागायचो. रस्त्यावरील सभांनंतर, आम्ही एक कापड पसरायचो आणि लोक त्यांना हवे ते देत असत, मग ते १०, ५० किंवा १०० रुपये असो. या तळागाळातील दृष्टिकोनामुळे आम्हाला कोणत्याही कॉर्पोरेट किंवा व्यावसायिक संबंधांपासून मुक्तपणे प्रामाणिक मोहीम चालवता आली आहे.

“आम्ही कॉर्पोरेट किंवा भांडवलदारांकडून पैसे मागितले नाहीत. सर्वात मोठी समस्या अशी आहे की, उमेदवार आणि पक्ष मोठ्या दिग्गजांकडून निधी घेतात आणि नंतर त्यांच्यासाठी काम करतात आणि कराराच्या स्वरूपात पैसे मिळवतात. केजरीवाल सरकारने सामान्य लोकांसाठी काम केलं कारण ते आम्हाला लढण्यास मदत करतात. जर आपण मोठ्या लोकांकडून पैसे घेतले असते तर मोफत पाणी, वीज, दवाखाने आणि शिक्षण देऊ शकलो नसतो,” असे अतिशी म्हणाल्या.

दरम्यान, पक्षाचे निवडणूक कार्य सुरू ठेवण्यासाठी आणि सार्वजनिकरित्या समर्थित निधीचे पक्षाचे तत्व राखण्यासाठी, आतिशी यांनी त्यांच्या आगामी निवडणुकीसाठी क्राउडफंडिंग मोहीम सुरू केली आहे. मुख्यमंत्री आतिशी यांनी त्यांच्या मोहिमेसाठी ४० लाख रुपयांचे लक्ष्य ठेवले आहे. आपल्या भाषणात त्यांनी दिल्लीतील लोकांना आणि देशभरातील नागरिकांना त्यांच्या मोहिमेत योगदान देण्याचे आवाहन केले आहे. Delhi CM Atishi Crowd Funding for Election |

हेही वाचा: 

MCOCA ACT: मोक्का कायदा नेमका काय आहे? शिक्षेची तरतूद कशी असते? जाणून घ्या माहिती…