Hyderabad Blast। हैदराबादमधील कुशाईगुडा याठिकाणी कचराकुंडीत मोठा स्फोट झाल्याची माहिती समोर येत आहे. या झालेल्या स्फोटात एकाचा जागीच मृत्यू झाला. स्फोट झाला तेव्हा मृत व्यक्ती या ढिगाऱ्याजवळ उभा होता. या प्रकरणात, घटनास्थळावरून नमुने घेण्यात आले आहेत आणि स्फोटाची कारणे तपासली जात आहेत.

स्फोटात कचरा वेचकाचा मृत्यू  Hyderabad Blast। 

शनिवारी (२२ मार्च) संध्याकाळी कुशाईगुडा येथे हा स्फोट झाला. यामध्ये एका कचरा वेचकाचा मृत्यू झाला. मृताचे नाव एस नागराजू आहे. तो ३७ वर्षांचा होता. प्राथमिक तपासानंतर पोलिसांनी सांगितले की कचऱ्यामध्ये काही अज्ञात रसायने असल्यामुळे स्फोट झाला असावा. घटनास्थळावरून नमुने घेण्यात आले असून ते तपासणीसाठी पाठवले जातील, असेही पोलिसांनी सांगितले.
ते फॉरेन्सिक लॅबमध्ये पाठवण्यात आले आहे.

घटना सीसीटीव्हीमध्ये कैद  Hyderabad Blast। 

पोलिसांनी दिलेल्या माहितीनुसार, नेरेडमेट येथील रहिवासी नागराजू रस्त्याच्या कडेला असलेल्या ट्रान्सफॉर्मरजवळ कचरा वेचत होते. यादरम्यान एक स्फोट झाला आणि तो इतका भयानक होता की नागराजू उडी मारून खाली पडला. त्याला गंभीर दुखापत झाली आणि त्याचा जागीच मृत्यू झाला. ही संपूर्ण घटना जवळच्या दुकानातील सीसीटीव्हीमध्ये कैद झाली आहे.

हेही वाचा
आता विद्यार्थ्यांसाठी अमेरिकेचा व्हिसा मिळणे आणखी कठीण ! ४१ टक्के एफ-१ व्हिसा नाकारले ; जाणून घ्या काय आहे मोठे कारण