How To Increase Bike Mileage: जेव्हा तुम्ही बजेट सेगमेंट बाईक खरेदी करता तेव्हा तुम्हाला तिच्याकडून चांगल्या मायलेजची अपेक्षा असते. पण, कालांतराने बाइकचे मायलेज कमी होते. या प्रकारची समस्या अनेकांना भेडसावत असते. तथापि, बहुतेक वेळा यात दुचाकी चालवणाऱ्या व्यक्तीची चूक असते. म्हणूनच, आम्ही तुम्हाला बाइकमधून चांगले मायलेज मिळवण्यासाठी काही टिप्स सांगणार आहोत. बाइकचे मायलेज वाढवण्यासाठी अनेक टिप्स आहेत. या टिप्स फॉलो करून तुम्ही तुमच्या बाइकचे अधिक मायलेज मिळवू शकता.

तुमची बाईक व्यवस्थित ठेवा –

तुमच्या बाईकची नियमित सर्व्हिसिंग करा आणि आवश्यक दुरुस्ती करा. हे सुनिश्चित करेल की तुमची बाइक योग्यरित्या कार्य करत आहे आणि अधिक मायलेज देईल.

योग्य टायर प्रेशर –

योग्य टायर प्रेशर हे सुनिश्चित करते की तुमची बाइक कमी घर्षणाने चालते. यामुळे इंधनाची बचत होते, म्हणजेच बाईक अधिक मायलेज देईल.

ओव्हरस्पीडिंग धोकादायक –

ओव्हरस्पीडिंग धोकादायक आहे आणि त्याचा मायलेजवरही परिणाम होतो. ओव्हरस्पीडिंगमुळे इंधनाचा वापर वाढतो आणि मायलेज कमी होतो. नेहमी सुरक्षित वेगाने गाडी चालवा.

अनावश्यक ब्रेकिंग टाळा –

अनावश्यक ब्रेकिंगमुळे इंधनाचा वापर वाढतो. ब्रेकिंग कमी करण्याचा प्रयत्न करा. आवश्यक असल्यास ब्रेक लावा. तुमचा वेग नियंत्रणात ठेवा.

दुचाकी स्वच्छ ठेवा –

मायलेजसाठी याचा फायदा काय असा प्रश्न तुम्हाला पडेल. खरं तर बाईक स्वच्छ असेल तर इंजिनही स्वच्छ असेल. हे इंजिन थंड ठेवण्यास मदत करते.

योग्य गियर मध्ये गाडी चालवा –

बाईक नेहमी योग्य गियरमध्ये चालवा. हे इंजिनला अधिक कार्यक्षमतेने काम करण्यास मदत करते आणि इंधनाचा वापर कमी करते. म्हणजे मायलेज वाढते.