Madhugandha Kulkarni post : १२ सप्टेंबर या दिवशी मराठीत तीन मोठे सिनेमे रिलीज झाले असून, ‘दशावतार’ , ‘आरपार’ आणि ‘बिन लग्नाची गोष्ट’ या तिन्ही सिनेमांची जोरदार चर्चा होत आहे. ज्येष्ठ अभिनेते दिलीप प्रभावळकर यांच्या दशावतार सिनेमाने तर १ कोटींची टप्पा ओलांडला आहे. आरपार आणि बिन लग्नाची गोष्ट या सिनेमांनाही चांगला प्रतिसाद प्रेक्षक देत आहेत.

आरपार सिनेमातील अभिनेत्री हृता दुर्गुळे आणि अभिनेता ललित प्रभावळकर यांच्या अॅानस्क्रिन कमेस्ट्रीचं प्रेक्षक भरभरून कौतुक करत आहेत. सोशल मीडियावर देखील सिनेमाबद्दल लिहिल जात आहे. अशातच आता ललितसाठी एका मराठी अभिनेत्रीची पोस्ट चर्चेत आली आहे. अभिनेत्री आणि निर्माती मधुगंधा कुलकर्णीनं त्यांच्या इंन्स्टावरून एक खास पोस्ट शेअर केली आहे.

ललित चा पिक्चर आला म्हणून बघितला. वेडसर प्रेम बघण्याची मजा काही औरच असते. गौरव पत्की चा पहिला प्रयत्न खूपच कौतुकास्पद आहे. टेक्निकली सगळं perfect माधव अभ्यंकर सर, सुहिता थत्ते, स्नेहलता वसईकर, पाहुणे कलाकार म्हणून सुहास शिरसाट सगळे कलाकार उत्तमच! सगळ्यात कमाल वाटली ती आमच्या भावड्या ललितची! जुळून येती रेशीमगाठीला आमची राखी बांधली गेली हातावर, तेव्हा पासून मी त्याला माणूस म्हणून आणि नट म्हणून नेटानं आणि निष्ठेन काम करताना पाहत आले आहे. किती ग्रो झाला आहे आपला भावड्या…काय रेंज…असं म्हणत अभिनेत्रीने ललितला कौतुकाची थाप दिली आहे.

 

View this post on Instagram

 

A post shared by Madhugandha Kulkarni (@madhugandhakulkarni)

चि व चि सौ का ह्या माझी निर्मिती असलेल्या चित्रपटातून तू पदार्पण केलेस…ते आता आर पार मधे निर्माता म्हणून आलास…किती मोठी झेप…किती मेहनत…किती समर्पण…देखणं रूपडं तर आहेच पण अभिनया लाजवाब. आरपारमधे खिळवून ठेवलं पाठ्यानं. ललित तुझं खूप कौतुक अभिमान आणि प्रेम …आणि सगळ्यात महत्वाचं म्हणजे तुझं स्वागत…निर्माता म्हणून ! असंही पोस्टमध्ये मधुगंधा कुलकर्णी म्हणाल्या आहेत.

Welcome to the club ! ऋता उत्तम अभिनेत्री आहेच आणि ह्या चित्रपटात दोघांची केमिस्ट्री लाजवाब! थोडा पक्षपात आहेच…भावाचा सिनेमा आहे.. अवश्य बघा… लव स्टोरीज कायम वर्क होतात. आरपार भिडणारी ही आजच्या तरुणाईची सुंदर फिल्म. ललित खूप शुभेच्छा वाढदिवसाच्या आणि चित्रपटासाठी!

हेही वाचा : दाक्षिणात्य सुपरस्टार दुलकर सलमानच्या चित्रपटात होणार पूजा हेगडेची एन्ट्री; चाहते उत्सुक