दुबई : बुर्ज खलिफा ही 828 मीटर उंचीची जगातील सर्वात उंच इमारत आहे. एवढेच नाही तर या इमारतीत अनेक कार्यालये आणि हॉटेल्स असून येथे जगातील सर्वात मोठी एलईडी स्क्रीन देखील आहे. बुर्ज खलिफाचे वीज बिल किती आहे माहीत आहे का?

जगातील सर्वात उंच इमारत, बुर्ज खलिफामध्ये एकूण 160 मजले आणि 54 लिफ्ट आहेत. या इमारतीमध्ये अनेक रेस्टॉरंट्स, कॉर्पोरेट ऑफिस आणि आलिशान घरे आहेत. हे एक पर्यटन स्थळ देखील आहे जिथे दरवर्षी करोडो पर्यटक येतात. यासोबतच बुर्ज खलिफामध्ये अनेक चित्रपटांचे शूटिंगही झाले असून हा जगातील सर्वात मोठा एलईडी स्क्रीन आहे.

अलीकडेच, सुपरस्टार शाहरुख खानचा ‘पठाण’ चित्रपट प्रदर्शित होण्यापूर्वी, त्याचा ट्रेलर देखील बुर्ज खलिफा येथे चालवण्यात आला आणि तो सोशल मीडियावर मोठ्या प्रमाणात शेअर करण्यात आला.

* ‘इतका’ होतो पाणी आणि विजेचा वापर
बुर्ज खलिफाच्या आजूबाजूला सुमारे 12 लाख एलईडी दिवे आहेत आणि रात्रीच्या वेळी ते खूप सुंदर दिसते. पण जगातील सर्वात मोठी एलईडी स्क्रीन आणि आजूबाजूला एवढ्या मोठ्या प्रमाणात दिवे असल्यामुळे बुर्ज खलिफाचा विजेचा वापरही खूप जास्त आहे. अलीकडेच असे कळले आहे की, बुर्जचा एका दिवसात वीज वापर 36 दशलक्ष वॅट्स आहे जो 100 वॅटच्या 3,60,000 लाइट बल्बच्या समतुल्य आहे. बुर्ज खलिफामध्ये एका दिवसाचा पाण्याचा वापर 9,46,000 लिटर आहे जो अंदाजे 2,50,000 गॅलन इतका आहे.

* ‘इतके’ येते वार्षिक वीज बिल
एवढ्या मोठ्या प्रमाणात विजेचा वापर केल्यामुळे बुर्ज खलिफाचे वीज बिलही खूप जास्त आहे. अहवालांवर विश्वास ठेवला तर, बुर्जचे एक वर्षाचे वीज बिल 300,000 युरो आहे जे 2.65 कोटी रुपयांच्या समतुल्य आहे. इतकंच नाही तर काही खास सुविधांबद्दल बोलायचं झालं तर बुर्जमध्ये 15000 स्क्वेअर फूट फिटनेस सुविधा असलेली जगातील सर्वात उंच मशीद देखील आहे जी 158 व्या मजल्यावर आहे आणि जगातील सर्वात उंच निरीक्षण डेक देखील आहे. जो 124 वा मजला आहे.