Welcome to the Jungle : अक्षय कुमारचा बहुचर्चित ‘वेलकम टू द जंगल’ (Welcome to the Jungle)    हा चित्रपट २६ जून रोजी प्रेक्षकांच्या भेटीला येत असून, रिलीजपूर्वीच चित्रपटाने बॉक्स ऑफिसवर जोरदार वातावरण निर्माण केले आहे. बुधवारी सायंकाळी उशिरा सुरू झालेल्या अॅडव्हान्स बुकिंगला प्रेक्षकांचा उत्स्फूर्त प्रतिसाद मिळत असून, अवघ्या १२ तासांत चित्रपटाने मोठा टप्पा गाठला आहे.

ट्रेड रिपोर्टनुसार, बुधवार सायंकाळी साडेसात ते गुरुवार सकाळी साडेसात या कालावधीत देशभरातील ६,२५० शोसाठी बुकिंग सुरू झाले. या काळात पहिल्या दिवसासाठी तब्बल ४०,११२ तिकिटांची विक्री झाली असून, त्यातून सुमारे ९१.१७ लाख रुपयांचे उत्पन्न मिळाले आहे.  (Welcome to the Jungle)

दिल्ली-एनसीआर, मुंबई, बेंगळुरू आणि हैदराबाद या प्रमुख शहरांमध्ये चित्रपटाबाबत सर्वाधिक उत्साह दिसून येत आहे. त्यामुळे रिलीजला अवघा एक दिवस शिल्लक असताना अॅडव्हान्स बुकिंगचा वेग आणखी वाढण्याची शक्यता व्यक्त केली जात आहे.

हेही वाचा : Devendra Fadnavis : राजकारण तापलं! संजय दिना पाटलांविषयी पोलिस आयुक्तांना राऊतांचं पत्र, फडणवीसांनी घेतली कडक भूमिका

२००७ मध्ये प्रदर्शित झालेल्या वेलकम या सुपरहिट कॉमेडी चित्रपटापासून सुरू झालेल्या फ्रँचायझीचा हा तिसरा भाग आहे. सुमारे ३०० कोटी रुपयांच्या बजेटमध्ये तयार झालेल्या वेलकम टू द जंगल चित्रपटात अक्षय कुमार आणि परेश रावल यांच्या भूमिका कायम असल्या तरी नाना पाटेकर आणि अनिल कपूर नसल्याने चाहत्यांनी याविषयी नाराजी व्यक्त केली आहे.  (Welcome to the Jungle)

या चित्रपटात  सुनील शेट्टी ‘उदय शेट्टीचा भाऊ’ म्हणून, तर अर्शद वारसी ‘मजनूचा भाऊ’ म्हणून दिसणार आहेत. याशिवाय दिशा पटानी, जॅकलीन फॅर्नांडिस, लारा दत्ता, राजपाल यादव, रवीना टंडन, जॅकी सराफसह अनेक कलाकार महत्वाच्या भूमिकेत आहेत. फ्रँचायझीच्या याआधीच्या दोन्ही चित्रपटांनी बॉक्स ऑफिसवर यश मिळवले आहे. त्यामुळे आता ‘वेलकम टू द जंगल’ प्रेक्षकांच्या अपेक्षा कितपत पूर्ण करतो, याकडे सर्वांचे लक्ष लागले आहे.  (Welcome to the Jungle)

हेही वाचा : Rajnath Singh on ‘Emergency’: “इतिहासातील सर्वात काळा अध्याय” ; राजनाथ सिंह यांचा’आणीबाणी’ विषयी उल्लेख