Municipal Elections 2026: राज्यातील महानगरपालिका निवडणुकांच्या रणधुमाळीत मतदानापूर्वीच महायुतीने मोठी मुसंडी मारली आहे. कल्याण-डोंबिवली, भिवंडी, पनवेल आणि धुळ्यापाठोपाठ आता जळगाव व अहिल्यानगरमध्येही भाजप, शिवसेना (शिंदे गट) आणि राष्ट्रवादी काँग्रेस (अजित पवार गट) यांनी विजयाचे खाते उघडले आहे. उमेदवारी अर्ज मागे घेण्याच्या प्रक्रियेत विरोधकांनी माघार घेतल्याने अनेक जागांवर महायुतीचे उमेदवार बिनविरोध निवडून आले आहेत. या यशामुळे महायुतीच्या कार्यकर्त्यांमध्ये उत्साहाचे वातावरण असून ठिकठिकाणी फटाक्यांच्या आतषबाजीत जल्लोष साजरा केला जात आहे. केडीएमसीमध्ये ‘नऊ’ बिनविरोध; भाजप-शिवसेनेचे वर्चस्व कल्याण-डोंबिवली महानगरपालिकेत (KDMC) महायुतीने विरोधकांना मोठा धक्का दिला आहे. १२२ सदस्य संख्या असलेल्या या पालिकेत तब्बल ९ उमेदवार बिनविरोध निवडून आले आहेत. यामध्ये शिवसेनेचे (शिंदे गट) ३ आणि भाजपचे ६ उमेदवार विजयी झाले आहेत. प्रभाग क्रमांक २४ आणि २६ मध्ये महायुतीने एकतर्फी विजय मिळवत आपली ताकद सिद्ध केली आहे. जिल्हावार विजयी उमेदवारांची अधिकृत यादी: शहर/महानगरपालिका प्रभाग / वॉर्ड क्र. विजयी उमेदवाराचे नाव राजकीय पक्ष कल्याण डोंबिवली प्रभाग क्र. २४ रमेश म्हात्रे शिवसेना (शिंदे) कल्याण डोंबिवली प्रभाग क्र. २४ विश्वनाथ राणे शिवसेना (शिंदे) कल्याण डोंबिवली प्रभाग क्र. २४ वृषाली जोशी शिवसेना (शिंदे) कल्याण डोंबिवली प्रभाग क्र. २४ (ब) ज्योती पाटील भाजप कल्याण डोंबिवली पॅनल २७ (अ) मंदा पाटील भाजप कल्याण डोंबिवली पॅनल २८ (अ) हर्षल मोरे शिवसेना (शिंदे) कल्याण डोंबिवली प्रभाग क्र. १८ रेखा चौधरी भाजप कल्याण डोंबिवली प्रभाग क्र. २६ (क) आसावरी नवरे भाजप कल्याण डोंबिवली प्रभाग क्र. २६ (ब) रंजना पेणकर भाजप भिवंडी वॉर्ड क्र. १७ (ब) सुमीत पाटील भाजप पनवेल प्रभाग क्र. १८ (ब) नितीन पाटील भाजप जळगाव प्रभाग क्र. ९ (अ) मनोज चौधरी शिवसेना (शिंदे) जळगाव प्रभाग क्र. ९ (ब) प्रतिभा देशमुख शिवसेना (शिंदे) जळगाव – गौरव सोनवणे शिवसेना (शिंदे) अहिल्यानगर प्रभाग क्र. ११ कुमारसिंह वाकळे राष्ट्रवादी (अजित पवार) अहिल्यानगर प्रभाग क्र. १४ प्रकाश भागानगरे राष्ट्रवादी (अजित पवार) धुळे प्रभाग क्र. १७ (ब) सुरेखा उगले भाजप धुळे प्रभाग क्र. १ (अ) उज्जवला भोसले भाजप धुळे प्रभाग क्र. ६ (ब) ज्योत्स्ना पाटील भाजप
