Kingdom Movie : दाक्षिणात्य चित्रपटसृष्टीतील काही मोजक्याच पण दमदार अभिनेत्यांच्या यादीत अभिनेता विजय देवरकोंडाच नाव घेतलं जातं. पण विजयच्या गेल्या काही चित्रपटांना प्रेक्षकांनी पाठ फिरवल्याचं चित्र आहे. आजवर विजयने अनेक मोठ्या चित्रपटासाठी काम केलं आहे.

गीता गोविंदम या चित्रपटाने त्याला प्रसिद्धी मिळवून दिली. त्यानंतर तो अनेक चित्रपटात दिसला. मात्र, बॅाक्स अॅाफिसवर त्याचे चित्रपट फार काही कमाल करू शकले नाहीत. आता नुकताच विजय ‘किंग्डम‘ या चित्रपटातून प्रेक्षकांच्या भेटीला आला असून, या चित्रपटाचा पहिला रेव्ह्यू समोर आला आहे.

या रेव्हूयमध्ये विजयने गेल्या काही चित्रपटांमधून चाहत्यांची निराशा केल्यानंतर दमदार कमबॅक केले आहे, असं सांगण्यात आले आहे. हा चित्रपट पाहिल्यानंतर अनेकांनी आपली मतं सोशल मीडियाच्या माध्यमातून शेअर केली आहेत. भारतात रिलीज होण्याअगोदर किंग्डमचा पहिला प्रिमिअर अमेरिकेत झाला. या चित्रपटाला चांगला प्रतिसाद तिथल्या प्रेक्षकांनी दिला आहे.

Watched it, loved it, living in that high! @TheDeverakonda’s screen presence is next level 💥 @anirudhofficial killed it with the BGM! #Kingdom #KingdomMANAMKODTHUNAM pic.twitter.com/Z7mb6DdJoN

— Sriram_okr (@_sriramokr) July 31, 2025

या स्पाय थ्रिलर चित्रपटाचे लेखन आणि दिग्दर्शन गौतम तिन्ननुरी यांनी केले आहे. या चित्रपटात विजयने एका अंडरकव्हर कॉन्स्टेबलची भूमिका साकारली आहे. या चित्रपटातील कथा, गाणी यासोबतच अॅक्शन सीनही दमदार असल्याचे प्रेक्षक सांगत आहे. यामुळे किंग्डमची पहिल्या दिवशी कमाई किती होती आणि त्यानंतर बॅाक्स अॅाफिसवर हा चित्रपट पुन्हा विजयला बुस्ट देण्यात सफल होतो का हे पाहणे महत्वाचे असणार आहे.