Sushma Andhare : शिवसेना (उद्धव बाळासाहेब ठाकरे गट) यांच्या उपनेत्या सुषमा अंधारे (Sushma Andhare)यांची प्रकृती बिघडल्याने त्यांना मुंबईतील ग्लोबल रुग्णालयात उपचारासाठी दाखल करण्यात आले आहे. रुग्णालय प्रशासनाच्या माहितीनुसार, त्यांची प्रकृती सध्या स्थिर असून डॉक्टरांकडून आवश्यक उपचार सुरू आहेत. यामुळे 9 एप्रिल रोजी होणाऱ्या विधिमंडळ हक्क समितीच्या बैठकीला त्या उपस्थित राहू शकणार नाहीत. याबाबत रुग्णालयाकडून विधिमंडळ सचिवालयाला अधिकृत पत्र पाठवण्यात येणार असल्याची माहिती समोर आली आहे. Sushma Andhare सुषमा अंधारे या ठाकरे गटातील महत्त्वाच्या आणि आक्रमक भूमिकेसाठी ओळखल्या जाणाऱ्या नेत्या आहेत. सामाजिक व राजकीय मुद्द्यांवर त्या सातत्याने आपली ठाम भूमिका मांडत असतात. त्यांच्या प्रकृतीबाबत अधिकृत तपशील अद्याप समोर आलेला नसला, तरी पक्षाकडून त्यांच्या लवकर बरे होण्यासाठी शुभेच्छा दिल्या जात आहेत. ठाकरे गटाच्या महिला नेत्या जयश्री शेळके यांनी सोशल मीडिया एक्सवर ट्वीट करत त्यांच्या प्रकृतीबाबत माहिती दिली आहे. गेल्या 15 ते 20 दिवसांपासून सततची धावपळ आणि वाढलेला ताण यामुळे त्यांना चार दिवसांपूर्वी रुग्णालयात दाखल करावे लागल्याचे त्यांनी स्पष्ट केले आहे. जयश्री शेळके यांचं ट्वीट Sushma Andhare “वाघीण आजारी आहे म्हणून काही लोक निर्धास्त झाले असतील… पण लक्षात ठेवा, ‘घायल शेरणी और भी खूँखार होती है!” अशी आपल्या ट्वीटमध्ये त्यांनी विरोधकांवर अप्रत्यक्ष टीकाही केली आहे. वाघीण आजारी आहे म्हणून काही लोक निर्धास्त झाले असतील…पण लक्षात असू द्या “ घायल शेरणी और भी खूँखार होती है! “ मागील १५-२० दिवसांपासून सतत होणारी धावपळ आणि अतिरिक्त ताण यामुळे त्यांना चार दिवसांपूर्वी मुंबई येथे रुग्णालयात भरती करावे लागले. ताईंची प्रकृती आता चांगली आहे. ताई… pic.twitter.com/0eo4n3wMTa — Jayshree Shelke (@ShelkeJayshree) April 8, 2026 तसेच अंधारे यांची प्रकृती आता सुधारत असून संपूर्ण महाराष्ट्रातील जनतेच्या शुभेच्छा त्यांच्या पाठीशी आहेत. त्या लवकरात लवकर पूर्णपणे बऱ्या व्हाव्यात, अशी प्रार्थनाही त्यांनी व्यक्त केली आहे. या ट्वीटमध्ये त्यांनी सुषमा अंधारेंसोबतचा रुग्णालयात फोटोही शेअर केला आहे. हेही वाचा : Dacoit Trailer Review: सुनील शेट्टीही झाले फॅन; ‘डकैत’ ट्रेलरला जबरदस्त प्रतिसाद
