Prajakta Mali : मराठी सिनेसृष्टीत अभिनेत्री प्राजक्ता माळी हिने आपली स्वतःची स्वतंत्र ओळख निर्माण केली आहे. तिने अनेक मराठी चित्रपटामधून दमदार अभिनय केला आहे. अनेक आव्हानात्मक भूमिका प्राजक्ताने केल्या असून, तिचा चाहतावर्ग देखील मोठा आहे. ‘महाराष्ट्राची हास्यजत्रा’ या कार्यक्रमाचे सूत्रसंचालनामुळे प्राजक्ताने एक वेगळी ओळख मिळाली. गेली अनेक वर्ष सूत्रसंचालनाद्वारे तिने हसवलं आहे. मात्र, तिने सूत्रसंचालनाबाबत एक मोठा निर्णय घेतला होता. याविषयी तिने एका मुलाखतीत खुलासा केला आहे. नुकत्याच एका मुलाखती दरम्यान प्राजक्ताने मनमोकळा संवाद साधला. त्यावेळी तिने सूत्रसंचालनाचा खुलासा केला आहे. सुरुवातीला ती कोणत्याही रिअॅलिटी शोचं सूत्रसंचालन करणार नाही असा तिचा निर्णय होता. तिला नवीन अनुभव घेणं आवडतं, पण काही कार्यक्रमांच्या स्वरूपामुळे तिला स्वतःला पूर्णपणे व्यक्त करता येत नव्हतं, असे प्राजक्ता माळीने सांगितले. मात्र, ती सूत्रसंचालन करण्यासाठी तयारी नव्हती त्यावेळी अभिनेता प्रसाद ओक हिने तिची समजूत काढत ‘तू दुसरं सत्र कर, नाहीतर लोकांना वाटेल की तुला काढलं आहे, असे सांगितल्यानंतर तिने होकार दिला. पण हाचा होकार तिच्यासाठी मोठा फलदायी ठरला. अभिनेत्री प्राजक्ता माळी हिने स्टार प्रवाह या चॅनेलवरील एका मालिकेतून कलाविश्वात पदार्पण केले. त्यानंतर तिने अनेक चित्रपटांमध्ये भूमिका साकारत आपल्या कामाचा ठसा उमटत प्रेक्षकांच्या मनात स्थान निर्माण केले. तिने अनेक आव्हानात्मक भूमिकाही साकारलेल्या आहेत. प्लॅनेट मराठी या मराठी ओटीटीवर रिलीज झालेल्या रानबाजार या वेबसिरीजमधील तिने साकारल्या भूमिकेचे विशेष कौतुक करण्यात आले होते. ही भूमिका खूपच आव्हानात्मक होती. पण तिने तितक्याच उत्तमप्रकारे सिरीजमध्ये ती भूमिका निभावली. हेही वाचा : राजे येतायेत….! ‘पुन्हा शिवाजीराजे भोसले’ चित्रपटाचा टीझर आऊट; ‘या’ दिवशी होणार रिलीज
