किती सुंदर… आलियाच्या बहिणीने ‘तो’ फोटो शेअर करत दिला आठवणींना उजाळा; वाढदिवसाच्या दिल्या अनोख्या पद्धतीने शुभेच्छा!
अभिनेत्री आलिया भट्टच्या वाढदिवसानिमित्त तिची सावत्र बहीण पूजा भट्टने तिचा एक बालपणातील जुना फोटो सोशल मीडियावर शेअर केला आहे. या फोटोवर नेटकऱ्यांनी भरभरून कमेंट्स केल्या आहेत. नुकताच आलियाचा ३२ वा वाढदिवस मोठ्या उत्साहात साजारा करण्यात आला. तिची बहीण पूजा भट्ट हिने आलियाला वाढदिवसानिमित्त आपल्या बालपणीचा एक जुना फोटो तिच्या इन्स्टा अकाउंटवरून शेअर केला आहे.
तिच्या लहान बहिणीला तिच्या वाढदिवसाच्या शुभेच्छा देताना पूजा भट्टने लिहिले आहे की, ‘तू नेहमी लहान मुलासारखी खरी राहो. या पोस्टला चाहत्यांकडून भरभरून प्रेम मिळत आहे. एका यूजरने लिहिले आहे की, तू माझा बालपणीचा क्रश आहेस. एका यूजरने लिहिले आहे की, ‘खूप सुंदर, आलिया मॅडम, तुम्हाला वाढदिवसाच्या शुभेच्छा.’ आलिया भट्ट आणि पूजा भट्ट या सावत्र बहिणी आहेत. दोघांचे वडील महेश भट्ट आहेत. पूजा भट्टच्या आईचे नाव किरण भट्ट तर आलिया भट्टच्या आईचे नाव सोनी राजदान आहे.
View this post on Instagram
दोघींचे संगोपन वेगळे झाले असले तरी त्यांच्यात खूप चांगले नाते आहे. ते अनेकदा सोशल मीडियावर एकमेकांसोबत प्रेम शेअर करताना दिसतात. आलिया भट्टचा पती रणबीर कपूरने काही दिवसांपूर्वी आलिया भट्टचा वाढदिवस मोठ्या थाटात साजरा केला होता. याचा एक व्हिडिओ सोशल मीडियावर व्हायरल झाला आहे. या व्हायरल व्हिडिओत आलियाने नक्षीदार पीच रंगाचा कुर्ता परिधान केला होता.
