Train Accident : स्पेनमध्ये दोन हाय-स्पीड रेल्वे गाड्यांची भीषण धडक झाल्याची माहिती समोर आली आहे. मध्य स्पेनमधील टोलेडो प्रांताजवळ बुधवारी सकाळी हा अपघात घडल्याचे वृत्त आहे. या दुर्घटनेत आतापर्यंत ४६ जणांचा मृत्यू झाल्याचा दावा करण्यात येत असून, अनेक प्रवासी जखमी झाल्याची माहिती आहे. स्पॅनिश प्रशासनाकडून या घटनेची दखल घेण्यात आल्याचे वृत्तात म्हटले आहे. (Train Accident)

दोन रेल्वे गाड्यांची जोरदार धडक; डबे रुळावरून घसरले

स्पेनचे रेल्वे जाळे व्यवस्थापित करणाऱ्या ‘ADIF’ या संस्थेने दिलेल्या माहितीनुसार, बुधवारी सकाळी टोलेडो प्रांतात ही दुर्घटना घडली. सरकारी वृत्तवाहिनी TVE च्या वृत्तानुसार, दोन्ही रेल्वे गाड्या एकाच दिशेने प्रवास करत होत्या. त्यातील एका गाडीने पुढे असलेल्या दुसऱ्या रेल्वेच्या मागील भागाला धडक दिली. (Train Accident)

ही धडक इतकी जोरदार होती की, एका रेल्वे गाडीचे दोन डबे रुळावरून घसरल्याचे वृत्त आहे. अपघातानंतर बचाव पथके तातडीने घटनास्थळी दाखल झाली. जखमी प्रवाशांना बाहेर काढून त्यांना वैद्यकीय मदत देण्याचे काम सुरू करण्यात आले. (Train Accident)

रेल्वे सेवा स्थगित; तपास सुरू

या भीषण अपघातानंतर माद्रिद, स्युदाद रियाल आणि आंदालुसिया दरम्यानची रेल्वे सेवा स्थगित करण्यात आल्याची माहिती आहे. रेल्वे मार्गाची सुरक्षितता तपासल्यानंतरच सेवा पुन्हा सुरू करण्याबाबत निर्णय घेतला जाणार आहे. (Train Accident)

जखमींसाठी स्थानिक प्रशासनाची मदत

उर्डाचे महापौर मॅन्युएल गालन यांनी TVE शी बोलताना अपघातात अनेक प्रवासी जखमी झाल्याची माहिती दिली. ‘सिव्हिल प्रोटेक्शन’च्या अधिकाऱ्यांनी स्थानिक प्रशासनाशी संपर्क साधून जखमी आणि प्रभावित प्रवाशांच्या मदतीसाठी क्रीडा संकुल तयार ठेवण्याची विनंती केली आहे. (Train Accident)

स्थानिक प्रशासनाकडून जखमींना प्राथमिक उपचार देण्यासह गरजेनुसार रुग्णालयात हलवण्याची व्यवस्था केली जात आहे. जवळच्या लॉस येबेनेस गावाचे महापौर जेसुस पेरेझ यांनीही या दुर्घटनेचे गांभीर्य अधोरेखित केले आहे. (Train Accident)

Local Train Accident : मध्य रेल्वेची वाहतूक विस्कळीत! डोंबिवलीजवळ लोकलचा डबा रूळावरुन घसरला, नेमकं काय घडलं?