Samruddhi Expressway : समृद्धी महामार्गावर भीषण अपघात; दोघांचा होरपळून मृत्यू
Samruddhi Expressway : मुंबई-नागपूर समृद्धी महामार्गावरील अपघातांचे सत्र थांबण्याचे नाव घेत नसून, सोमवारी (१२ ऑक्टोबर २०२६) सकाळी पुन्हा एकदा काळजाचा ठोका चुकवणारी भीषण दुर्घटना घडली आहे.
Samruddhi Expressway : मुंबई-नागपूर समृद्धी महामार्गावर आज सकाळी पुन्हा एक भीषण अपघात घडला आहे. धावत्या ट्रकचा अचानक टायर फुटल्याने ट्रकला भीषण आग लागली. काही क्षणात आगीने रौद्ररूप धारण केले आणि ट्रकमधील दोन जणांचा होरपळून जागीच मृत्यू झाला आहे. (Samruddhi Expressway)
मिळालेल्या माहितीनुसार, हा अपघात अमरावती जिल्ह्यातील नांदगाव खंडेश्वर तालुक्यातील तळेगाव पोलीस स्टेशनच्या हद्दीत घडला. समृद्धी महामार्गावरील चॅनेल नंबर १२७ जवळून हा ट्रक जात होता. हा ट्रक फुलकोबी (फ्लॉवर) घेऊन जात होता. त्याचवेळी ही दुर्दैवी घटना घडली. (Samruddhi Expressway)
समृद्धी महामार्गावरून जात असताना अचानक ट्रकचा टायर मोठ्या आवाजासह फुटला. टायर फुटल्यामुळे वाहनावरील नियंत्रण सुटले आणि ट्रकने पेट घेतला. (Samruddhi Expressway)
ही आग इतकी वेगाने पसरली की ट्रकमध्ये बसलेल्या दोन जणांना बाहेर पडण्याची संधीच मिळाली नाही आणि त्यांचा जागीच होरपळून मृत्यू झाला.
या घटनेची माहिती मिळताच तळेगाव पोलीस आणि महामार्ग पोलीस घटनास्थळी दाखल झाले. (Samruddhi Expressway)
पोलिसांनी मृतदेह ताब्यात घेतले असून पुढील तपास सुरू आहे. ट्रकला आग लागून झालेल्या दुर्घटनेनंतर समृद्धी महामार्गावर मोठ्या प्रमाणात वाहतूक कोंडी झाली होती. (Samruddhi Expressway)
