Homemade Scrub: दिवाळीच्या उत्साहात प्रत्येकाला आपल्या चेहऱ्यावर चमक हवी असते. बाजारातील महागडे ब्युटी प्रॉडक्ट्स किंवा पार्लर ट्रीटमेंट्स न वापरता जर तुम्हाला घरच्या घरी काही नैसर्गिक आणि प्रभावी उपाय हवा असेल, तर बिटापासून बनवलेला स्क्रब तुमच्यासाठी उत्तम पर्याय ठरू शकतो.

बिटामध्ये असलेले अँटिऑक्सिडंट्स, व्हिटॅमिन C आणि आयर्न त्वचेला आतून स्वच्छ करतात, टॅनिंग कमी करतात आणि चेहऱ्यावर नैसर्गिक उजळपणा आणतात. हा स्क्रब मृत त्वचा काढून टाकतो, रक्ताभिसरण सुधारतो आणि त्वचेला ताजेपणा देतो.

बिटापासून स्क्रब बनवण्यासाठी लागणारे साहित्य

• बिट- १ मध्यम आकाराचा
• साखर – १ मोठा चमचा
• मध – १ छोटा चमचा
• लिंबाचा रस (ऐच्छिक) –-३ ते ४ थेंब

स्क्रब तयार करण्याची पद्धत

1. बिट चांगले धुऊन किसून त्याची पेस्ट तयार करा.

2. ही पेस्ट एका छोट्या वाटीत घ्या.

3. त्यात साखर आणि मध मिसळा.

4. जर लिंबू तुमच्या त्वचेला सूट होत असेल, तर काही थेंब लिंबाचा रस घाला.

5. सर्व घटक चांगले मिसळा आणि तुमचा नैसर्गिक चुकंदर स्क्रब तयार!

वापरण्याची पद्धत

1. चेहरा स्वच्छ धुऊन कोरडा करा.

2. तयार स्क्रब चेहरा आणि मानेवर लावा.

3. २–३ मिनिटे तसेच राहू द्या.

4. त्यानंतर हलके हाताने ५ मिनिटे मसाज करा.

5. शेवटी पाण्याने चेहरा स्वच्छ धुवा.

स्क्रबनंतरची काळजी

स्क्रब केल्यानंतर चेहऱ्यावर टोनर लावा. त्यानंतर आपल्या त्वचेच्या प्रकारानुसार मॉइश्चरायझर वापरा. त्यामुळे त्वचा हायड्रेट आणि मऊ राहील.

ही माहिती सामान्य सौंदर्य मार्गदर्शनासाठी आहे. कोणतीही नैसर्गिक वस्तू वापरण्यापूर्वी त्वचारोगतज्ञांचा सल्ला घेणे उचित ठरेल.
नैसर्गिक आणि घरगुती उपायांमुळे या दिवाळीत तुमचा चेहरा झळाळून उठेल केमिकलशिवाय आणि खर्चाशिवाय!