Sambhaji Bhide : आज १५ अॅागस्ट असल्याने स्वातंत्र्य दिनानिमित्त विविध कार्यक्रमांचे आयोजन करण्यात आले आहे. अशातच सांगलीत आयोजित करण्यात आलेल्या एका पदयात्रेवरुन मोठा वाद निर्माण होण्याची शक्यता वर्तवली जात आहे.

सांगलीमध्ये शिवप्रतिष्ठान हिंदुस्थानच्यावतीने १५ ऑगस्ट निमित्ताने हिंदवी स्वातंत्र्य दिन पदयात्रा काढण्यात आली. या पदयात्रेत मोठ्या संख्येने भिडे गुरुजींचे समर्थक सहभागी झाल्याचे पाहायला मिळाले.

सोशल मीडियावर या कार्यक्रमाचे एक पोस्टर व्हायरल होत आहे. या पोस्टरवर स्वातंत्र्य प्राप्तीनंतर अखंड हिन्दुस्थानचे स्वप्न उराशी बाळगून ‘अखंड हिन्दुस्थानचा राष्ट्रध्वज म्हणून परम पवित्र भगवाच असला पाहिजे’ हे जगाला ठणकावून सांगण्याचा प्रभावी मार्ग म्हणजे हिंदवी स्वराज्य स्वत्यंत्रदिन पदयात्रा असे लिहिले आहे. यावरुन शिवप्रतिष्ठान हिंदुस्थानचे सर्वसर्वेा संभाजी भिडे वादाच्या भोवऱ्यात सापडण्याची शक्यता आहे.

 

View this post on Instagram

 

A post shared by 𝐁𝐇𝐈𝐃𝐄 𝐆𝐔𝐑𝐔𝐉𝐈 𝐒𝐀𝐍𝐆𝐋𝐈 (@bhide_guruji_sangli)

या पोस्टरचा संदर्भ देत काँग्रेसचे नेते सचिन सावंत यांनी थेट राज्य सरकार आणि मुख्यमंत्र्यांना जाब विचारला आहे. त्यांनी आपल्या ट्विटर एक्स अकाऊंटवर यासंदर्भात ट्वीट केले आहे. ते म्हणाले “स्वातंत्र्यदिनाच्या दिवशी मनोहर भिडे राष्ट्रध्वजाचा खुलेआम अपमान करत आहेत. देशात ‘वंदे मातरम्’चा अपमान झाला तर शिक्षेची तरतूद आहे, मग अशा वेळी राष्ट्रध्वजाचा अवमान कसा काय खपवून घेतला जाऊ शकतो?” असा सवालही सचिन सावंत यांनी उपस्थित केला आहे.

Sambhaji Bhide

“ज्यांनी सलग ५२ वर्षे आपल्या कार्यालयावर तिरंगा फडकावला नाही, त्यांना आता तिरंगा यात्रा काढावीशी वाटत आहे. पण राष्ट्रध्वजाचा अपमान करणाऱ्या भिडेवर हे सरकार आणि मुख्यमंत्री गुन्हा दाखल करणार का? ही आमची थेट मागणी आहे,” असेही सचिन सावंत म्हणाले आहेत. त्यामुळे या प्रकरणी आता मुख्यमंत्री देवेंद्र फडणवीस काय प्रतिक्रिया देतात याकडे लक्ष असणार आहे.

Independence Day 2026: देशात ऑनलाइन कोचिंग उद्योग किती मोठा? , पंतप्रधानांच्या घोषणेमुळे काय फरक पडेल?