Hindenburg Report Again ।  अमेरिकन शॉर्ट सेलर फर्म हिंडेनबर्ग रिसर्च नेहमीच चर्चेत असते. आता पुन्हा एकदा ही कंपनी चर्चेत आली आहे. नुकतेच  X वर पोस्ट करत अमेरिकन कंपनीने भारतीय कंपनीशी संबंधित आणखी एक मोठा खुलासा करण्याचे संकेत दिले आहेत. या पोस्टमुळे खळबळ उडाली आहे.

हिंडेनबर्ग रिसर्चने आपल्या पोस्टमध्ये  ‘भारतात लवकरच काहीतरी मोठे घडणार आहे’ असे लिहिले आहे. या पोस्टमध्ये हिंडेनबर्गने नेमकं कोय होणार आहे याबाबत सविस्तर सांगितलेले नाही. कंपनीच्या या पोस्टबाबत असे मानले जात आहे की, हिंडनबर्ग रिसर्च पुन्हा एकदा एका भारतीय कंपनीबाबत मोठा खुलासा करणार आहे. भारतातील नेमकी कुठली कंपनी असेल यावरून तर्कवितर्क लावण्यात येत आहे.

 

Something big soon India

— Hindenburg Research (@HindenburgRes) August 10, 2024

 

दरम्यान , जानेवारी २०२३ मध्ये हिंडेनबर्ग रिसर्चने गौतम अदानी यांच्या अदानी समूहाला लक्ष्य करणारा अहवाल प्रसिद्ध केला होता. या अहवालाने खळबळ उडवून दिली कारण हिंडेनबर्गने अदानी समूहावर अनेक गंभीर आरोप केले होते. हिंडेनबर्ग संशोधन अहवाल समोर येताच, अदानी समूहाच्या सर्व शेअर्समध्ये मोठी घसरण झाली. गौतम अदानी, जगातील नंबर 2 अब्जाधीश झाल्यानंतर, या अहवालानंतर 36 व्या क्रमांकावर घसरले, कारण त्यांच्या संपत्तीत विक्रमी घट नोंदवली गेली.

मूल्यांकन 86 अब्ज डॉलर्सने कमी झाले
24 जानेवारी 2023 रोजी अदानी समूहाचा अहवाल आल्यानंतर सर्व शेअर्समध्ये मोठी घसरण झाली, त्यानंतर कंपनीचे मूल्यांकनही वेगाने घसरले. परिस्थिती अशी होती की, अदानी समूहाचे मूल्यांकन काही दिवसात 86 अब्ज डॉलरने कमी झाले होते. शेअरच्या किमतीत झालेल्या या मोठ्या घसरणीमुळे नंतर समूहाच्या परदेशात सूचिबद्ध बाँडची मोठ्या प्रमाणात विक्री झाली.

सेबीने हिंडेनबर्गला नोटीस बजावली होती
यावर्षी जूनमध्ये, हिंडेनबर्ग रिसर्च पुन्हा एकदा चर्चेत आले जेव्हा हे उघड झाले की, भांडवली बाजार नियामक SEBI ने भारतीय नियमांचे उल्लंघन केल्याचा आरोप करत त्यांच्याविरुद्ध नोटीस जारी केली होती. हिंडनबर्ग रिसर्चने आपल्या अहवालात प्रथमच कोटक बँकेची स्पष्टपणे ओळख केल्यामुळे हा विकास एक टर्निंग पॉइंट ठरला. परिणामी, या खुलाशांमुळे कोटक बँकेच्या शेअरच्या किमतीत लक्षणीय घट झाली, ज्याने सुरुवातीच्या ट्रेडिंग सत्रात जूनपासून नीचांकी पातळी गाठली होती.