Brad Arnold – रॉक संगीताला वेगळी दिशा देणारे आणि तरुणांच्या हृदयावर राज्य करणारे प्रसिद्ध गायक ‘ब्रॅड अर्नोल्ड’ यांचे शनिवारी निधन झाले. ते ४७ वर्षांचे होते. ग्रॅमी-नामांकित 3 डोअर्स डाउन बँडचे प्रमुख गायक असलेल्या ब्रॅड अर्नोल्ड यांनी काही महिन्यांपूर्वी आपण स्टेज ४ किडनी कॅन्सरशी झुंज देत असल्याचा खुलासा केला होता. दीर्घ आजारानंतर त्यांनी झोपेतच अखेरचा श्वास घेतला, अशी माहिती बँडने अधिकृत निवेदनाद्वारे दिली आहे. ब्रॅड अर्नोल्ड यांच्या निधनामुळे जागतिक संगीत विश्वाला मोठा धक्का बसला असून, सोशल मीडियावर त्यांच्या चाहत्यांकडून भावनिक श्रद्धांजली वाहिली जात आहे. ‘3 डोअर्स डाउन बँड’ने आपल्या निवेदनात म्हटले आहे की, “कर्करोगासारख्या गंभीर आजाराशी धैर्याने लढा दिल्यानंतर आमचे प्रिय गायक ब्रॅड अर्नोल्ड यांचे शनिवारी निधन झाले. त्यांनी शांतपणे झोपेतच जगाचा निरोप घेतला.” ही बातमी समोर येताच जगभरातील संगीतप्रेमींनी दु:ख व्यक्त केले आहे. Brad Arnold ‘3 डोअर्स डाउन’चा प्रवास : 3 डोअर्स डाउन या बँडची स्थापना 1995 साली अमेरिकेतील मिसिसिपी राज्यात झाली. सुरुवातीच्या संघर्षानंतर 1999 साली आलेल्या सुपरहिट गाण्यांमुळे बँडला खरी ओळख मिळाली. विशेषतः ‘Kryptonite’ या गाण्याने जगभरात धुमाकूळ घातला आणि याच गाण्यासाठी बँडला ग्रॅमी पुरस्काराचे नामांकन मिळाले. गणिताला तासाला लिहले गाणं… विशेष बाब म्हणजे, ब्रॅड अर्नोल्ड यांनी ‘Kryptonite’ हे गाणे वयाच्या अवघ्या १५व्या वर्षी शाळेत गणिताचा तास सुरू असताना वर्गात कागदाच्या तुकड्यावर लिहिले होते. पुढे हेच गाणे त्यांच्या कारकिर्दीतील मैलाचा दगड ठरले. ब्रॅड अर्नोल्ड यांची खास ओळख : ब्रॅड अर्नोल्ड यांच्याबद्दल आठवणींना उजाळा देताना बँडने म्हटले आहे की, “सामान्य माणसाला भावतील अशी साधी, हृदयस्पर्शी गाणी लिहिणे हीच ब्रॅडची खरी ताकद होती. पोस्ट-ग्रंज म्युझिक घराघरात पोहोचवण्यात त्यांचा मोलाचा वाटा होता.” ही बातमी वाचा : Share Market Today: शेअर बाजारात मोठी उसळी; गुंतवणूकदारांची एकाच दिवसात 6 लाख कोटींची कमाई ब्रॅड अर्नोल्ड यांना स्टेज ४ किडनी कॅन्सर झाला होता. या टप्प्यावर कर्करोग मूत्रपिंडातून शरीराच्या इतर भागांपर्यंत पसरलेला असतो. तरीही त्यांनी उपचार घेत अत्यंत धैर्याने आजाराचा सामना केला आणि शेवटपर्यंत सकारात्मक भूमिका ठेवली. संगीत विश्वातील पोकळी : ब्रॅड अर्नोल्ड यांच्या निधनानंतर रॉक संगीत क्षेत्रात भरून न निघणारी पोकळी निर्माण झाली आहे, असे संगीत तज्ज्ञ आणि चाहते सांगत आहेत. त्यांच्या आवाजातली जादू आणि गाण्यांमधील भावना कायम स्मरणात राहतील. अल्बम आणि गाजलेली कारकीर्द ! पहिला अल्बम: The Better Life – या अल्बमच्या ६० लाखांहून अधिक प्रती विकल्या गेल्या. 2003 साली: When I’m Gone या गाण्यासाठी दुसरे ग्रॅमी नामांकन. या यशामुळे ब्रॅड अर्नोल्ड यांनी रॉक संगीताच्या जगतात स्वतःचे अढळ स्थान निर्माण केले. हे देखील वाचा… Share Market Today: शेअर बाजारात मोठी उसळी; गुंतवणूकदारांची एकाच दिवसात 6 लाख कोटींची कमाई Khushi kapoor : ग्रे जॅकेट आणि ब्लू जीन्स मध्ये दिसला ‘खुशी कपूर’चा हॉट अंदाज, फोटो व्हायरल…
